08:54, 20 - قىركۇيەك 2016 | GMT +5
سۇڭگۋىر بايكال تۇبىندە ءۇش جىل جاتقان فوتواپپاراتتى يەسىنە قايتاردى
استانا. قازاقپارات - رەسەيلىك دايۆەر الەكسەي ۆاسكوۆ بايكال تۇبىنەن فوتواپپارات تاۋىپ الدى جانە ونى جوعالتقان جانۇيانى تاپتى. ءۇش جىلدان كەيىن كامەرا ءوز يەلەرىنە قايتارىلدى،
دەپ جازدى «كومسومولسكايا پراۆدا يركۋتسك».
كولدىڭ تەرەڭىنە سۇڭگىگەن يركۋتسكىلىك سۇڭگۋىر بايكال تۇبىنەن بالدىر باسقان فوتواپپاراتتى تاۋىپ الدى. اپپارات قوسىلمادى الايدا فلەش- كارتاسى ءالى دە ىسكە جارامدى ەكەن.
سۇڭگۋىر جادىنى تەلەفونعا سالىپ، ماقتاۋ قاعازىن العان كىشكەنتاي قىزدىڭ فوتوسىن تاپقان. ماقتاۋ قاعازىندا جازىلعان ەسىم مەن اۋىل اتى انىق وقىلعان. تانىستارىنا حابارلاسىپ، فوتواپپاراتىن جوعالتقان جانۇيامەن بايلانىس ورناتقان.
فوتواپپاراتتى جوعالتقاندار بايكالعا دەمالۋعا بارعان جانە جەرگىلىكتى بالىقشىلار ولاردى قايىقپەن قىدىرتقان. قايىقتاعى سەرۋەن كەزىندە فوتواپپارات وتاعاسىنىڭ قولىنان سۋعا ءتۇسىپ كەتكەن بولىپ شىقتى.
