ادامداردىڭ ۇشتەن ءبىرى قىزعانشاق بولىپ كەلەدى - ماماندار زەرتتەۋى
ولار: قىزعانشاقتار، وپتيميستەر، پەسسيميستەر جانە سەنگىش ازاماتتار. بۇل تۋرالى Science Advances عىلىمي جۋرنالىندا جاريالانعان ماقالادا ايتىلعان، دەپ جازادى lenta.ru.
ارنايى تاجىريبە بارىسىندا عالىمدار 541 ادامدى ءتۇرلى الەۋمەتتىك جاعدايلار بويىنشا سىناقتان وتكىزدى. سىناقتىڭ ناتيجەسى كومپيۋتەرلىك تالداۋعا جىبەرىلدى. تالداۋ جۇمىستارىنىڭ ناتيجەسى بويىنشا، سىناققا قاتىسقان ازاماتتاردىڭ 90 پايىزى الدىندا ايتىلعان ساناتتارعا جاتاتىن بولىپ شىقتى. ناقتىراق ايتقاندا، سىناققا قاتىسقان ازاماتتاردىڭ 30 پايىزى قىزعانشاقتار، 60 پايىزى بولاشاعىنان زور ءۇمىت كۇتەتىندەر، ياعني وپتيميستەر، قالعان 20 پايىزىنىڭ جارتىسى پەسسيميستەر مەن سەنگىش ادامداردىڭ قاتارىندا بولىپ شىقتى. ال، ازاماتتاردىڭ 10 پايىزىنا قاتىستى مالىمەتتەردى كومپيۋتەر انىقتاي المادى.
عالىمداردىڭ ايتۋىنشا، ازاماتتاردىڭ جەكە باس قاسيەتتەرىنە قاتىستى مۇنداي جىكتەۋ جۇمىستارى العاش رەت ۇيىمداستىرىلۋدا.
