جىگىت پەن قىزدىڭ قانشا ۋاقىت كەزدەسكەنى دۇرىس؟
جاستار تىلىندە جىگىت پەن قىزدىڭ ءجۇرۋى دەگەن ءسوزدى كەزدەسۋى دەپ الايىق. قوس عاشىق تانىسىپ- ءبىلىسىپ، تاڭداۋىنا وكىنبەس ءۇشىن قانشا ۋاقىت قاجەت؟
1-6-اي. ادامدى قانشا ۋاقىت وتسە دە تولىق تاني الماۋىمىز مۇمكىن. ءبىراق بالالارىما اكە (انا) ، وزىمە ومىرلىك سەرىك بولادى دەپ توقتاعان جارىمىزدى كەمشىلىكتەرىمەن بىرگە قابىلداۋىمىز كەرەك. ال باستى ولقىلىقتارىن تانۋ ءۇشىن بۇل ۋاقىت تىم از. ەگەر تاڭداعانىڭىز بۇرىننان كورىپ- ءبىلىپ جۇرگەن كورشىمىز نە سىنىپتاس، كۋرستاس، دوسىمىز بولسا، ويلانۋعا تۇرادى.
1-2 -جىل. قۇمساعاتتىڭ قۇمىنداي سىرعىپ، بىلىنبەي وتە شىققانىمەن، بۇل از ۋاقىت ەمەس. وسى كەزەڭدە ءبىر- بىرىمىزگە بار جاعىمسىز مىنەزىمىزدى كورسەتىپ، وعان توپەپ بەرۋ جولدارىن مەڭگەرەمىز. قاي ارەكەتىنە قالاي جاۋاپ بەرۋ كەرەك ەكەنىن جانە بىزگە قانداي جاۋاپ قاتاتىنىن الدىن الا سەزىپ بىلەمىز. سەزىمنىڭ وتتاي لاۋلاپ تۇرعان شاعىندا اق نەكەگە وتىرۋ - ەڭ دۇرىس شەشىم.
3-4 -جىل. وتكەن جىلدارمەن سالىستىرعاندا بۇل كەزەڭدە ءبىر- ءبىرىمىزدى اسا جاقىن تاني تۇسەمىز. داۋ- داماي ءجيى تۋىنداپ، جالىعۋ سەزىمى پايدا بولۋى دا عاجاپ ەمەس. قازىردەن ءبىر- بىرىمىزدەن جالىقساق، ءومىر بويى قالاي بىرگە تۇرماقپىز دەپ قام جەمەيىك. نەكەلىك ءومىر وزگەرەك بولسا كەرەك. ۇرىس- كەرىستەن اراداعى سىيلاستىققا سەلكەۋ تۇسپەي تۇرعاندا، وتاۋ قۇرىپ، وتباسى بولۋعا اسىققانىمىز ءجون.
5-6 -جىل. قايتارىلمايتىن ۋاقىتتىڭ قالاي ءوتىپ جاتقانىن اڭعارماي، بىرىمىزگە ءبىرىمىز ەرلى- زايىپتىلار كوزىمەن قاراپ، ازاماتتىق نەكەدە تۇرعانداي بوپ كەتەمىز. بۇل - قازاق قوعامىنا جات. نەكە، توي دەگەن ۇعىمدار باستاپقى ماڭىزىنان اجىراپ بارا جاتقانداي بولادى. ءبارىن قويشى، بالالار شە؟ بولاشاعىنا الاڭداپ، سوڭىنان ۇرپاق قالدىرۋدى ويلايتىن جان مۇنشا سوزباسا كەرەك.
nur.kz
