تيشەنكو ليەۆيت ريوداعى ەڭ مىقتى قارسىلاس بولعانىن مويىندادى
بۇل تۋرالى بوكسشى «كومسومولسكايا پراۆدا» گازەتىنىڭ سۇراقتارىنا جاۋاپ بەرگەن كەزدە ايتتى.
«شيەلەنىس جاعىنان جانە قارسىلاستىڭ دەڭگەيى بويىنشا ەڭ اۋىرى فينال بولدى. ۆاسيلي ليەۆيت مەنىڭ وپپونەنتتەرىمنىڭ اراسىندا ەڭ مىقتىسى بولدى» ، - دەدى تيشەنكو.
ول سونداي- اق، بوكسشىلاردى ماراپاتتاۋ راسىمىندە قازىلار القاسىنىڭ شەشىمىنە كەلىسپەگەن حالىقتى تىنىشتاندىرۋعا تىرىسقان ۆاسيلي ليەۆيتكە قۇرمەتپەن قاراعانىن ايتتى. ەسكە سالا كەتەيىك، اقتىق سايىستا قازىلار القاسىنىڭ شەشىمىمەن قازاقستاندىق بوكسشى ۆ. ليەۆيت قارسىلاسى رەسەيلىك ە. تيشەنكودان جەڭىلىپ، «كۇمىسكە» لايىق دەپ تانىلدى.
«ناتيجە شىققان بويدا زال ماعان قارسى بولدى. جەكپە- جەك بارىسىندا ءۆاسيليدىڭ قولداۋشىلارى كوپتىگىن سەزىندىم. كەيىن جەڭىس قولىمدا ەكەنىن ءتۇسىنىپ، ماعان ماراپاتتاۋ كەزىندە جانە ودان كەيىنگى باسپا ءسوز ءماسليحاتىندا ءوز- ءوزىمدى لايىقتى ۇستاۋ عانا قالدى. مەن وعان ءمان بەرمەۋگە تىرىستىم. ۆاسيلي قۇرمەتكە لايىق» ، - دەدى تيشەنكو.
