نۇرسۇلتان نازاربايەۆ: الماتىدا تاۋدان ەرەكشە قۋات الامىن

الماتى. قازاقپارات - الماتىدا تاۋدان قۋات الىپ كەتۋگە تىرىسامىن، - دەدى ەلباسى نۇرسۇلتان نازاربايەۆ «الماتى ارەنا» مۇز سارايىنىڭ اشىلۋىندا سويلەگەن سوزىندە.

 «مەنىڭ بالالىق شاعىمدا، قازىر دە ۇشقان قۇستىڭ قاناتى تالاتىن، ۇلانعايىر وتانىمىزدا كوپتەگەن ادامدار الماتىدا وقۋعا، تۇرۋعا اسىعاتىن. مۇندا كوپتەگەن وتباسى شاڭىراق كوتەردى. مەن الماتىعا كەلگەندە ءبىر كۇنگە، ءتىپتى جارتى كۇنگە كەلسەم دە تاۋعا بارىپ، ونىڭ قۋاتىنان ءسىڭىرىپ العىم كەلەدى. مۇنداي ەش جەردە جوق. استانا تۇپ- تۇنىق اشىق اسپانىمەن، جازىق كەڭ دالاسىمەن اسەم. مەن ادەتتەگىدەي، بۇگىن دە مەدەۋگە كوتەرىلدىم. وندا جاستار ءجۇر ەكەن، جاقىندام سويلەستىم. ءبىرى ماڭعىستاۋدان، ءبىرى سەمەيدەن، ءبىرى تارازدان بولسا، ءبىرى اتىراۋدان كەلگەن. مىنە، الماتى دەگەن وسى!» - دەدى نۇرسۇلتان نازاربايەۆ.

پرەزيدەنت الماتىلىقتاردى قالانىڭ 1000  جىلدىعىمەن قۇتتىقتادى.

«الماتىلىقتاردى، بارلىق قازاقستاندىقتاردى اسەم دە، سۇيىكتى قالامىزدىڭ 1000 -جىلدىعىمەن قۇتتىقتايمىن» ، - دەدى ەلباسى.