نازاربايەۆ اتامبايەۆتى مەرەيتويىمەن قۇتتىقتادى
«60 جىلدىق مەرەيتويىڭىزعا قاراي مەنىڭ قۇتتىقتاۋىمدى قابىل الىڭىز. ءسىزدىڭ بەلسەندى تالپىنىستارىڭىز بەن تالاپتارىڭىزدى، سونىمەن قاتار قىرعىزستاننىڭ وركەندەۋى جولىنداعى جان- جاقتى قىزمەتىڭىزدى جوعارى باعالايمىز. استانا مەن بىشكەك اراسىنداعى دوستىق جانە وداقتاستىق قاتىناستار الداعى ۋاقىتتا دا نىعاياتىنىنا سەنىمدىمىن. قۇرمەتتى المازبەك شارشەن ۇلى، سىزگە مىقتى دەنساۋلىق، جاۋاپتى قىزمەتىڭىزدە تابىس، ال باۋىرلاس قىرعىز حالقىنا بەرەكە مەن وركەندەۋ تىلەيمىن» ، - دەلىنگەن قازاقستان پرەزيدەنتىنىڭ قۇتتىقتاۋ حاتىندا.
سونىمەن قاتار، بۇگىن رەسەي مەن قىرعىزستان اراسىنداعى كوپ جوسپارلى ىنتىماقتاستىقتىڭ جانە ستراتەگيالىق سەرىكتەستىكتىڭ دامۋىنا قوسقان ۇلەسى ءۇشىن ر ف پرەزيدەنتى ۆلاديمير پۋتين ا. اتامبايەۆتى الەكساندر نيەۆسكي مەدالىمەن ماراپاتتادى. ماراپاتتاۋ ءراسىمى بىشكەكتەگى ەكىجاقتى كەزدەسۋ بارىسىندا ءوتتى.
