فۋتزالدان قازاقستان قۇراماسى الەم چەمپيوناتىندا تۇڭعىش رەت قارسىلاسىن تىزە بۇكتىردى
كاكاۋدىڭ شاكىرتتەرى ەكىنشى كەزەڭدە كوستا-ريكا قۇراماسىن 3:1 ەسەبىمەن جەڭدى.
قازاقستان قۇراماسى دۋگلاستىڭ سوققان گولىمەن 58- سەكۋندتا-اق العا شىقتى. 15- مينۋتتا كوستاريكالىق الەحاندرو پانياگا ەسەپتى تەڭەستىرسە، ءبىر مينۋت وتكەندە پاۆەل تاكۋ قازاقستاندى تاعى دا العا شىعاردى.
ەكىنشى تايمنىڭ باسىندا لەو ايىپ دوبىن ورىنداپ، كوستا-ريكو قۇراماسىنىڭ قاقپاسىنا گول سوقتى.
وسى جەڭىسىنىڭ ارقاسىندا قازاقستان قۇراماسى ءۇش ۇپاي جيناپ، ە توبىندا ەكىنشى ورىنعا كوتەرىلدى. ارگەنتينالىقتار مەن كوستاريكالىقتاردا دا وسىنشا ۇپاي بار، الايدا ارگەنتينا سولومون ارالدارى قۇراماسىنا قارسى ويىن وتكىزۋى ءتيىس.
ەسكە سالايىق، قازاقستان قۇراماسى تۋرنيردىڭ ءبىرىنشى ويىنىندا ارگەنتينادان 0:1 ەسەبىمەن جەڭىلىپ قالعان بولاتىن. قازاقستان قۇراماسى توپتىق كەزەڭىندەگى سوڭعى ماتچىن 19- قىركۇيەكتە استانا ۋاقىتىمەن 03.00 دە سولومون ارالدارى كومانداسىمەن وتكىزەدى.
