16:13, 16 - قىركۇيەك 2016 | GMT +5
بىشكەكتەگى سامميتتەن كەيىن ت م د ەلدەرىنىڭ باسشىلارى اتامبايەۆتىڭ مەرەيتويىنا قالادى
بىشكەك. قازاقپارات - ت م د مەملەكەتتەرى باسشىلارىنىڭ سامميتىنە قاتىسۋ ءۇشىن بىشكەككە ات باسىن تىرەگەن كوشباسشىلاردىڭ باسىم بولىگى قىرعىزستان پرەزيدەنتى المازبەك اتامبايەۆتىڭ مەرەيتويىنا قالادى.
بۇل تۋرالى قىرعىزستان پرەزيدەنتى اپپاراتى سىرتقى ساياسات ءبولىمىنىڭ باسشىسى ساپار يساكوۆ مالىمدەدى.
«17- قىركۇيەك كۇنى قىرعىز ەلىنىڭ باسشىسى 60 جاسقا تولادى. مەنىڭشە، مەملەكەتتەر باسشىلارىنىڭ باسىم بولىگى پرەزيدەنتتىڭ مەرەيتويىنا قالادى»، - دەدى س. يساكوۆ.
ەسكە سالا كەتەيىك، ت م د ەلدەرى مەملەكەت باسشىلارىنىڭ مەرەيتولى سامميتىنە پرەزيدەنتتەر نۇرسۇلتان نازاربايەۆ، ۆلاديمير پۋتين، ەمومالي راحمون، الەكساندر لۋكاشەنكو جانە يلحام اليەۆ قاتىسادى. قالعان قاتىسۋشى-مەملەكەتتەر اتىنان ۇكىمەت جانە سىرتقى ىستەر مينيسترلىكتەرىنىڭ باسشىلارى كەلەدى.
