شاۆكات ميرزيەيەۆ وزبەكستان پرەزيدەنتتىگىنە كانديدات رەتىندە ۇسىنىلدى
بۇل تۋرالى جۇما كۇنى رەسپۋبليكانىڭ ورتالىق سايلاۋ كوميسسياسىنىڭ Facebook-تاعى پاراقشاسىندا حابارلاندى.
«وزبەكستان ليبەرالدىق-دەموكراتيالىق پارتياسى ساياسي كەڭەسىنىڭ وتىرىسىندا شاۆكات ميرزيەيەۆتىڭ كانديداتۋراسى وزبەكستان پرەزيدەنتىنىڭ سايلاۋىنا ۇسىنىلدى»، - دەگەن كوميسسيا حابارلاماسىن جەتكىزدى ر ي ا نوۆوستي.
ەسكە سالا كەتەيىك، 2- قىركۇيەك كۇنى 78 جاستاعى وزبەكستاننىڭ تۇڭعىش پرەزيدەنتى يسلام كاريموۆ ينسۋلتتان كوز جۇمدى. رەسپۋبليكا پرەزيدەنتىنىڭ مىندەتىن ۋاقىتشا اتقارۋعا پرەمەر-مينيستر شاۆكات ميرزيەيەۆ كىرىستى. كونستيتۋتسياعا سايكەس وسى لاۋازىمدى يەلەنۋى ءتيىس سەنات ءتوراعاسى نيگماتيللا يۋلداشيەۆ قىزمەتتەن ءوز ەركىمەن باس تارتتى.
وزبەكستان و س ك ءتوراعاسى ميرزا-ۋلۋگبەك ابدۋسالوموۆ پرەزيدەنت سايلاۋى 4- جەلتوقساندا وتەتىنىن حابارلادى. كانديداتتاردى ۇسىنۋ 30- قىركۇيەكتە باستالىپ، 20- قازاندا اياقتالادى.
