ەكى جاس الاۋ جانىندا سەلفي جاساۋ ءۇشىن كولىكتەردى كۇلگە اينالدىردى

استانا. قازاقپارات - رەسەيدىڭ كاستروما وبلىسىنداعى نيكولسكوە پوسەلكەسىنىڭ 19 جاسار تۇرعىنى ءوزىنىڭ كامەلەتكە تولماعان قۇربىسىمەن بىرگە لاۋلاعان الاۋدى جانىندا سەلفي جاساۋ ءۇشىن بىرنەشە رەت وت قويعان.

بۇل تۋرالى informing.ru اقپارىنا سىلتەمە جاساعان ras.kz حابارلادى.

جاستار قىركۇيەكتىڭ 6 سىنان 7 سىنە قاراعان تۇندە كەنتتەگى ءۇش ءاۆتوموبيلدى ورتەپ، تاعى ەكەۋىن جاندىرۋعا ارەكەت ەتكەن. سول تۇندە ولار ەلدى مەكەندە ءبىر كولىكتى ايداپ كەتىپ قالماق بولادى. ءبىراق ونىڭ سالونىنا كىرگەندەرىمەن، وتالدىرا المايدى. سوسىن ونى ورتەۋگە شەشىم قابىلدايدى.

بۇدان ءارى تاعى بىرنەشە رەت وت قويىپ، سوندا جانعان الاۋدىڭ قالقاسىندا سۋرەتكە تۇسەدى. وسىدان كەيىن ءبىر ۆەلوسيپەدتى ۇرلاپ ءمىنىپ كەتىپ، سەلونىڭ سىرتىندا تاكسي ۇستاپ، كوستروماعا دەيىن بارادى.

ارادا ءبىر تاۋلىك وتكەننەن كەيىن وت قويۋشىلار قولعا ءتۇستى. ولاردىڭ تەلەفوندارىنان الاۋدىڭ جانىندا تۇرىپ تۇسكەن سەلفيلەرى تابىلدى.