11:51, 15 - قىركۇيەك 2016 | GMT +5
راقىمشىلىقپەن بوساپ شىققان ازامات ەكى ساعاتتان سوڭ قايتادان تۇرمەگە ءتۇستى
استانا. قازاقپارات - تاجىكستان ىشكى ىستەر مينيسترلىگى راقىمشىلىقپەن بوساپ شىققان كىسىنىڭ تاعى دا قىلمىس جاساپ، ەكى ساعاتتان سوڭ قايتادان تۇرمەگە تۇسكەنىن مالىمدەدى.
بۇل تۋرالى ورتالىق ازيانىڭ جاڭالىقتار قىزمەتى حابارلايدى.
ىشكى ىستەر مينيسترلىگىنىڭ باسپا ءسوز قىزمەتىنىڭ حابارلاۋىنشا، 59 جاستاعى ابدىكايۋم ۋروكوۆ وتكەن اپتادا ياۆان اۋدانىنداعى تۇرمەدەن بوساپ شىعىپ، ەندى تاعى دا سوتتالىپ جاتىر. ول ەركىندىككە شىققان سوڭ ءبىر ايەلدىڭ 360 سومونيى مەن ءموبيلدى تەلەفونىن ۇرلاپ العان.
تاجىكستان تاۋەلسىزدىگىنىڭ 25 جىلدىعىنا وراي قابىلدانعان راقىمشىلىق تۋرالى زاڭعا سايكەس، ەلدە 12 مىڭنان استام كۇدىكتى نەمەسە سوتتالۋشى جازادان بوساتىلدى.
