09:57, 14 - قىركۇيەك 2016 | GMT +5
رامزان قادىروۆ قازاقستانداعى ناۋقاس قىزعا جاردەمدەستى
استانا. قازاقپارات - رەسەي باتىرى احمات- قاجى قادىروۆ اتىنداعى وڭىرلىك قوعامدىق قور قازاقستان رەسپۋبليكاسى بايقوڭىر قالاسىنداعى 7 جاسار ەليف نۇرجانوۆانى ەمدەۋگە قارجىلاي كومەك بەردى.
بۇل تۋرالى جازبانى قىزدىڭ اناسى اينۇر نۇرجانوۆا ينستاگرام الەۋمەتتىك جەلىسىندە جاريالادى.
«سالەمەتسىزدەر مە!!! قۇدايعا شۇكىر، بىرنەشە مينۋت بۇرىن احمات- قاجى قادىروۆ اتىنداعى وڭىرلىك قوعامدىق قور ەليف ءۇشىن 10500$ اۋداردى. باقىتتىمىن، ايتار ءسوزىم جوق. قۇرمەتتى رامزان احماتوۆيچ، سىزگە دەگەن العىسىم شەكسىز!
مەيرامنان كەيىن ناقتى ەسەپ بەرەمىن. مەرەكە بولعاندىقتان الدا بولاتىن وتا مەن 1 - قازاندا ءوتۋى ءتيىس تەكسەرىلۋگە قاتىستى رەسمي ەسەپ الا المادىق. مەيرامنان كەيىن تولەنەتىن سومانى بىلەتىن بولامىز، ونى سىزگە كورسەتەمىن. الحامدۋلليلاح، ءبىزدىڭ اقشا جيناۋ شوتىمىز جابىلدى!» - دەپ جازدى قىزدىڭ اناسى.
ەسكە سالا كەتەيىك، ە. نۇرجانوۆانىڭ دياگنوزى: مي- جۇلىن جارىعى، گيدروتسەفاليا، سكاليوز، دەپ حابارلادى «گروزنىي- ينفورم» اا.
