وليمپياداعا قاتىسقان تانىمال سپورتشى قارىزىنىڭ كوپتىگىنەن وزىنە ءوزى قول جۇمسادى
قايعىلى ارەكەتىنىڭ سەبەبىن قوشتاسۋ حاتىندا جازىپ قالدىرعان، دەپ حابارلادى life.ru.
حوككەيشىنىڭ تۋعان باۋىرى الەكساندر ديەۆياتكيننىڭ ايتۋىنشا، پەتر بۇل قادامعا نەسيەلىك قارىزىنىڭ كوپتىگىنەن بارعان. 1998-جىلى ناگانودا وتكەن وليمپيادا ويىندارىنا قازاقستان قۇراماسىندا قاتىسقان سپورتشى وتباسىن اسىراپ، بانك الدىندا جينالعان قارىزىن وتەيتىن لايىقتى جۇمىس تاپپاعان.
- سوڭعى حاتىندا مەنى كەشىرىڭدەر، بۇدان ءارى قارىزبەن ءومىر سۇرە المايمىن، ءبارىڭدى جاقسى كورەمىن دەپ جازعان، - دەدى الەكساندر ديەۆياتكين. - ول جاقىن كۇندەرى پورنايسكىدەن نوۆوسىبىرگە ۇشىپ كەلدى جانە جۇمىستارىمەن ماسكەۋگە بارعالى وتىرعان، الايدا كەيبىر ماسەلەلەرى شەشىلمەگەن سياقتى.
پەتر ديەۆياتكين 10- قىركۇيەك كۇنى نوۆوسىبىردەگى نەميروۆيچ-دانچەنكو كوشەسىندەگى بالالار الاڭقايىندا وزىنە ءوزى قول سالدى. سپورتشىنىڭ دەنەسىن جولاي وتكەن تۇرعىندار كورىپ، جەدەل جاردەم مەن قۇقىق قورعاۋ ورگاندارىن شاقىرعان.
سوڭعى ۋاقىتتا ديەۆياتكين ساحاليندە بالالار باپكەرى بولىپ جۇمىس ىستەدى. ول «سپارتاك» پەن «دينامودان» بولەك، «نەفتەحيميك»، «سالاۋات يۋلايەۆ»، «امۋر» جانە باسقا دا كلۋبتاردا ويناعان.
«دينامو» قۇرامىندا ديەۆياتكين 1995-جىلى چەمپيون اتاندى.
