قاراعاندىداعى قايعىلى جاعدايعا اجىراسۋ سەبەپ بولۋى مۇمكىن

قاراعاندى. قازاقپارات - قاراعاندى وبلىسى پريوزەرسكىدەگى قايعىلى وقيعاعا وتباسىنىڭ اجىراسۋى سەبەپ بولۋى مۇمكىن. بۇل تۋرالى «قازاقپارات» ح ا ا تىلشىسىنە قالا پروكۋراتۋراسىنان حابارلادى.

 «جانتۇرشىگەرلىك وقيعا. اۋقاتتى ەمەس وتباسى دەۋگە كەلمەيدى. جۇمىستارى بار. ەر ادام گاز تولتىرۋ ستانساسىندا، ايەلى - كوممۋنالدىق كاسىپورىندا باقىلاۋشى بولىپ جۇمىس ىستەگەن. ءۇش بالالارى بار: ۇلكەنى 18 دە، ول ستۋدەنت، 15 جاستاعى قىزى جانە قازا تاپقان 8 جاستاعى ۇلى. ءوز- ءوزىن ورتەۋىنە سەبەپ - قىزعانىش بولۋى ىقتيمال» ، - دەپ حابارلادى پريوزەرسك پروكۋرورى ەرجان تۇرىسبەكوۆ.

ونىڭ ايتۋىنشا، سوتتا اجىراسۋ ءۇردىسى باستالعان. وتىرىس 13- قىركۇيەككە بەلگىلەنگەن. «الدىن الا تىڭداۋدا سوت ولاردىڭ تاتۋلاسۋىن ۇسىنعان» ، - دەپ ءتۇسىندىردى پروكۋرور.

ول ءىستىڭ ءمان- جايىن تەرگەۋ انىقتايتىنىن قوستى. « ءىس جابىلعان جوق. سوت الدى تەرگەۋ جالعاسۋدا، وبلىس پروكۋراتۋراسىنىڭ باقىلاۋىندا» ، - دەپ اتاپ ءوتتى ول.

ءى ءى د- گە سىلتەمە جاساپ حابارلانعانداي، پريوزەرسكىدە اپات 12 - قىركۇيەكتە تۇندە ورىن العان. 49 جاستاعى ەر ادام، الدىن الا دەرەكتەر بويىنشا، وتباسىلىق جانجال بارىسىندا وزىنە جانە 8 جاسار ۇلىنا بەنزين قۇيىپ، جاعىپ جىبەرگەن. وسىدان كەيىن ەر ادام 4 قاباتتان سەكىرىپ، ءوز- ءوزىن ولتىرمەك بولعان.

بالا كۇيىكتەن وقيعا ورنىندا كوز جۇمدى. سونداي- اق ءبىر قابات جوعارى تۇراتىن ەكى كورشى ءيىس ءتيىپ قازا تاپقان.

ەر ادام بالقاش اۋرۋحاناسىنا جەتكىزىلدى. د س ب اقپاراتىنا سايكەس ونىڭ دەنەسىن 100 پايىز كۇيىك شالعان. ول 13 قىركۇيەك تاڭەرتەڭ كوز جۇمدى.

اتالمىش فاكتى بويىنشا  سوت الدى تەرگەۋ باستالدى.