ءوزىن جانە ۇلىن ورتەگەن قاراعاندى تۇرعىنى قايتىس بولدى
«بالقاش اۋرۋحاناسىنا 100 پايىز دەنە كۇيىگىمەن، باس ميىنىڭ جاراقاتىمەن وتە اۋىر جاعدايدا ەر ادام ءتۇستى. دارىگەرلەر بارىنشا تىرىسىپ باقسا دا، ونىڭ ءومىرىن ساقتاپ قالا المادى. بۇگىن تاڭەرتەڭ ەر ادام قايتىس بولدى» ، - دەدى وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ايجان يسا.
قايعىلى وقيعا 12 - قىركۇيەك كۇنى تۇندە بولعان. الدىن الا بولجام بويىنشا، وتباسىلىق جانجال كەزىندە 49 جاستاعى ەر ادام 8 جاستاعى ۇلىنا جانە وزىنە جانارماي قۇيىپ، ءورت قويعان. وسىدان كەيىن ءوزىن- ءوزى ءولتىرۋ ماقساتىندا ەر ادام 4 قاباتتان سەكىرىپ كەتكەن.
الىنعان جاراقاتتان بالا كوز جۇمدى. جانە الدىن الا بولجام بويىنشا، جوعارعى قاباتتاعى پاتەر تۇرعىندارى - ايەل مەن كىشكەنتاي قىز ءورت يىسىنە تۇنشىعىپ قازا بولعان.
ەر ادام اۋرۋحاناعا جاتقىزىلعان.
اتالعان فاكت بويىنشا، ق ر ق ك 99 - بابى بويىنشا سوتقا دەيىنگى تەرگەۋ جۇمىستارى باستالدى.
