وزبەكستان مەن قازاقستاننىڭ تاريحى، ءدىنى جانە مادەنيەتى ءبىر - نازاربايەۆ
كەزدەسۋ بارىسىندا قازاقستان پرەزيدەنتى تاعى دا يسلام كاريموۆتىڭ وزبەك مەملەكەتىن، ەلدەرىمىزدىڭ اراسىنداعى ءوزارا قارىم- قاتىناستى دامىتۋعا قوسقان بىرەگەي ۇلەسىن اتاپ ءوتتى.
- تاريحىمىز، ءدىنىمىز، مادەنيەتىمىز ءبىر بولعاندىقتان، ونىڭ بۇكىل قايراتكەرلىگى ءبىزدىڭ حالىقتارىمىز اراسىنداعى دوستىقتى نىعايتا تۇسۋگە قىزمەت ەتتى. وسى قۇندىلىقتاردى ساقتاي ءبىلۋ وتە ماڭىزدى. ەكىجاقتى كەزدەسۋلەر بارىسىندا دا، حالىقارالىق ۇيىمدار جۇمىسى اياسىندا دا ءبىز كەز كەلگەن ماسەلەگە قاتىستى ءوزارا ءتيىمدى شەشىم تابا بىلدىك. باۋىرلاستىق بايلانىسىمىزدى بۇدان ءارى دە نىعايتا بەرۋ كەرەك، - دەدى مەملەكەت باسشىسى.
سونىمەن قاتار، نۇرسۇلتان نازاربايەۆ پەن شاۆكات ميرزيەيەۆ ەكىجاقتى قارىم- قاتىناستىڭ مەيلىنشە وزەكتى ماسەلەلەرى، وڭىرلىك جانە حالىقارالىق كۇن تارتىبىندەگى نەگىزگى تاقىرىپتار جونىندە پىكىر الماستى.
