سوندەرس گولوۆكيندى كەمسىتتى

استانا. قازاقپارات - بريتاندىق كەلل برۋكتى جەڭگەن قازاقستاندىق بوكسشى گەننادي گولوۆكين ەندىگى كەزەكتە بيللي دجو سوندەرسپەن قولعاپ تۇيىستىرگىسى كەلەتىنىن جەتكىزدى.

بۇل مالىمدەمەگە سوندەرس ءوزىنىڭ تۋيتتەرىندە جاۋاپ قايتاردى، دەپ جازدى Sports.kz.

«GGG، سەن دايىن بولعاندا، مەن دە ءازىر تۇرامىن، تەك جارتىلاي ورتا سالماقتا ەمەس. ەستىدىڭ بە، boreRat!» - دەپ جازدى سوندەرس.

 اعىلشىن تىلىنەن سوزبە-ءسوز اۋدارعاندا «bore rat» - «جالىقتىرعىش ەگەۋقۇيرىق» دەگەن ماعىنانى بىلدىرەدى جانە داۋىستاپ ايتقاندا «Borat» (فيلم) بولىپ ەستىلەدى.

ايتا كەتەيىك، قازاقستاندىق بوكسشى، ورتا سالماقتا WBA (Super) ، WBC جانە IBF ساناتى بويىنشا الەم چەمپيونى قازاقستاندىق گەننادي گولوۆكين (35-0, 32 ك و) كاسىبي رينگتە بريتاندىق كەلل برۋكتى (36-0, 25 ك و) نوكاۋتقا جىبەرىپ، كەزەكتى جەڭىسىنە قول جەتكىزدى. گولوۆكين ايقاس سوڭىندا پىكىر ءبىلدىرىپ، ەندىگى كەزدەسەتىن قارسىلاستارى تۋرالى ايتتى. «ەندى مەن بارلىق بوكسشىلار، مىسالى كىشى يۋبەنكتەن شاقىرتۋ الۋعا ءازىرمىن، ءبىراق الدىمەن بيللي دجو سوندەرسپەن كەزدەسكىم كەلەدى»، - دەدى ول.