بايان ەسەنتايەۆانىڭ كۇيەۋى ەگەر ايىرىلىساتىن بولسا، ونى ولتىرەتىنىن ايتىپ قورقىتقان
«ماعان بارشا ەلدىڭ الدىندا ايتۋعا تۋرا كەلەدى، مەنىڭشە، بۇنى بىرەۋ باستاۋى قاجەت، سەبەبى بىزدە ايەلدەردى ەشكىم قورعامايتىندىقتان، زاڭدى بىلمەيتىندىكتەن، ءوزىنىڭ كۇيەۋىنەن قورقىپ وتىرعان ايەلدەر كوپ. مەندە تۇرمىستىق زورلىق-زومبىلىقتان جاپا شەككەن ايەلدەردى قورعايتىن ۇيىم قۇرۋ تۋرالى وي پايدا بولدى، جاعدايىم دا سوعان يتەرمەلەدى. مەن جاقىن ادامنان زارداپ شەككەن ايەل رەتىندە بۇل ماسەلەنىڭ بارلىق قىرلارىن بىلەمىن»، - دەدى ب. ەسەنتايەۆا تانىمال قازاقستاندىق تەلەجۇرگىزۋشى دينارا ءساتجانعا بەرگەن سۇحباتىندا.
«مەنىڭ باسىمدا وسىنداي جاعداي ورىن الدى، ءبىراق بىردە-ءبىر ايەلدەر ۇيىمى ماعان حابارلاسىپ، حالىمدى ءبىلىپ، ماعان ەشتەڭە ۇسىنعان ەمەس. بىزدە ايەلدەر قاۋىمداستىقتارى وسىلاي جۇمىس ىستەيدى. سوندىقتان ايەلدەردىڭ ماسەلەسىن شىنىمەن شەشەتىن ۇيىم قاجەت»، - دەدى ب. ەسەنتايەۆا.
ونىڭ اتاپ وتكەنىندەي، قول كوتەرىپ، جازادان وپ-وڭاي سىتىلىپ شىعاتىن ەرلەردىڭ قاتىگەزدىگىنەن ايەلدەردى جەكە ءوزى قورعاۋعا دايىن. تۇرمىستىق زورلىق-زومبىلىقپەن رەسمي تۇردە، جاريالى تۇردە كۇرەسۋ قاجەت، دەپ ەسەپتەيدى ول.
«وسى ماسەلەگە قوعام نازارىن اۋدارۋ ءۇشىن، مۇمكىن مەنى وسىلاي جالپاق جۇرتقا جاريا ەتۋىم قاجەت شىعار. بىزدە وسىلاي بولاتىنىن، ەرلەرىمىز وسىنداي ەكەنىن تانىتۋ ءۇشىن. مۇنداي ماسەلەلەر دەندەپ كەتكەن. مەنىڭ دوستارىم، ارىپتەستەرىم جاپا شەگىپ جاتىر. ايەلدەر مەن دۋشار بولعان زورلىقتى كۇندە كورىپ وتىر. بۇنىمەن ەشكىم اينالىسپاي وتىر»، - دەدى ول.
ونىڭ ايتۋىنشا، ول كۇيەۋىن جاقسى كورمەگەن، تەك باۋىر باسىپ قالعان، دەگەنمەن سوڭعى ەكى جىل ونىمەن تۇرۋ مۇمكىن ەمەس بولعان. سوندىقتان ول اجىراسۋ تۋرالى ويلاي باستادى. دەگەنمەن كۇيەۋى ەگەر ايىرىلىساتىن بولسا، ونى ولتىرەتىنىن ايتىپ قورقىتقان.
ەسكە سالا كەتەيىك، كەشە استانادا ق ر پارلامەنتى ءماجىلىسىنىڭ دەپۋتاتى زاعيپا باليەۆا ايەلدەردى تۇرمىستىق زورلىق-زومبىلىقتان قورعايتىن زاڭ جۇمىس ىستەمەيتىنىن مالىمدەگەن.
اۆتور: جاسۇلان جولدىبايەۆ
