اتتراكتسيوندار قاۋىپسىز بولادى

استانا. قازاقپارات - ەۋرازيالىق ەكونوميكالىق كوميسسيا ە ە ك القاسىنىڭ ءتوراعاسى تيگريان ساركيسياننىڭ جەتەكشىلىگىمەن ەۋرازيالىق ەكونوميكالىق وداق ەلدەرىندەگى «اتتراكتسيوندار قاۋىپسىزدىگى تۋرالى» تەحنيكالىق رەگلامەنت ماقۇلداندى.

قۇجات وداقتىڭ كوميسسيا كەڭەسىنە قاراۋعا جىبەرىلدى جانە وسى جىلدىڭ سوڭىنا دەيىن قابىلدانۋى مۇكىن، دەپ حابارلادى ە ە ك باسپا ءسوز قىزمەتىنەن.

«قۇجاتتىڭ ماڭىزدىلىعىن باعالاۋ قيىن. تەحرەگلامەنت اتتراكتسيونداردىڭ قاۋىپسىزدىگىن بەكىتەدى. قوسىمشا قۇجاتتا بالالارعا ارنالعان سۋ اتتراكتسيوندارىنىڭ قاۋىپسىزدىك ەرەجەلەرى بەرىلگەن»، - دەدى ە ە ك تەحنيكالىق رەتتەۋ بويىنشا كوللەگيا مۇشەسى (مينيستر) ۆالەري كورەشكوۆ.