تۇرالاعان تۋريزمگە ەكسپو ەكپىن بەرە الاما؟
قازاق دالاسىنا تابان تىرەۋشىلەردىڭ ءبىر-اق پايىزى ساياحاتتاۋ ماقساتىن كوزدەگەنىنە قاراپ، بۇل سالانىڭ تىم قاتتى تۇرالاپ قالعانىن بايقاۋعا بولادى. ال، مۇنداي اياڭمەن قوناقتاردى اسىعا كۇتىپ، قورجىن تولتىرۋدى ءارى جاقسى اتتى شىعارۋدى جوسپارلاعان ەكسپو كورمەسىن قالاي وتكىزەمىز؟ ونىڭ ۇستىنە ءدال قازىرگىدەي قارجىلىق داعدارىس تۇسىندا استانانى بەتكە الاتىنداردىڭ قاتارى قانشالىقتى قالىڭدايدى؟ سوندىقتان دا ەڭ اۋەلى ۇكىمەتكە تۋريزم سالاسىن جەدەلدەتە دامىتۋ كەرەك بولىپ تۇر، دەپ جازادى «ايقىن».
كەشە استانادا وتكەن «ەكسپو-2017» حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ جونىندەگى قوعامدىق كەڭەستىڭ ءۇشىنشى وتىرىسىندا سويلەگەن «استانا ەكسپو - 2017» ۇ ك» ا ق باسقارما ءتوراعاسى احمەتجان ەسىموۆ ءوزىنىڭ الاڭداۋشىلىعىنىڭ نەگىزسىز ەمەس ەكەندىگىن دەرەكتەرمەن دالەلدەۋگە تىرىستى.
ماسەلە، ءدال بۇگىندە 99 مەملەكەت وزدەرىنىڭ ەلورداداعى كورمەگە قاتىساتىندىعىن رەسمي تۇردە ناقتىلاعان. ال، ونىڭ 95 ءى شاراعا جاۋاپتى كوميسسارلارىن بەكىتىپ، قازاقستاندىق ۇلتتىق كومپانيامەن بەلسەندى تۇردە بايلانىسقا ءتۇسىپ جاتىر. دەگەنمەن، قىزىقتى تاقىرىپتى ۇسىناتىن كورمەنى تاماشالايتىن تۋريستەردىڭ اعىنىن مولايتۋ كەرەك.
