الماتىدا دەنەسى بولشەكتەلگەن ەر ادامنىڭ ولىمىنە قاتىستى كۇدىكتى انىقتالدى
بۇل تۋرالى ق ر ءى ءى م- ءنىڭ رەسمي وكىلى الماس سادۋبايەۆتىڭ حابارلاۋىنشا، بەلگىسىز ەر ادامنىڭ بولشەكتەلگەن دەنە مۇشەلەرىنىڭ تابىلۋىنا قاتىستى «ادام ءولتىرۋ» ق ر ق ك- ءنىڭ 99 - بابى بويىنشا سوت الدى تەرگەۋ باستالدى.
«جاپا شەگۋشىنىڭ جەكە تۇلعاسىن، كۋاگەرلەردى، سونداي- اق قىلمىس جاساۋعا قاتىستى تۇلعالاردى انىقتاۋ ماقساتىندا جەدەل ءىس- شارا جۇرگىزىلدى، پوليتسيا قىزمەتكەرلەرى قىلمىس جاسالعان جالعا بەرىلەتىن پاتەردى جانە جاپا شەگۋشىنىڭ تۇلعاسىن انىقتادى. سونىمەن قاتار، كۇدىكتى تۇلعا دا انىقتالدى. قازىرگى ۋاقىتتا ونى ۇستاۋعا قاتىستى شارالار قولعا الىنۋدا»، - دەپ حابارلادى مينيسترلىكتىڭ رەسمي وكىلى.
ەسكە سالا كەتسەك، بۇعان دەيىن حابارلانعانداي ءۇي- كۇيسىز ادام رايىمبەك جانە ابىلاي حان داڭعىلدارىنىڭ قيىلىستارىنداعى قوقىس جاشىكتەرىنىڭ بىرىنەن ادامنىڭ باسى جانە اياق- قولدارىن تاۋىپ العان بولاتىن.
