قازاقستاندا «تۇيتكىلدى» يپوتەكاشىلاردى قايتا قارجىلاندىرۋ مەرزىمى ۇزارۋى مۇمكىن
بۇل تۋرالى «قازاقپارات» ح ا ا تىلشىسىنە «قارجىلىق قىزمەتتەردى دامىتۋدىڭ ۇلتتىق قورى» ق ق ءتوراعاسى اندرەي لي حابارلادى.
«بىزدە مەملەكەت باسشىسىنىڭ تاپسىرماسىمەن 2015 -جىلى قابىلدانعان قايتا قارجىلاندىرۋ باعدارلاماسى بار جانە وسى باعدارلامانى جۇزەگە اسىرۋ اياسىندا كورپوراتيۆتى تابىس سالىعى مەن جەكە تابىس سالىعىنا قاتىستى بەلگىلى ءبىر ماسەلەلەر تۋىندادى. كەيىنىرەك الاڭ، سوت شەشىمى، سوت ورىنداۋشىلارىنا قاتىستى ماسەلەلەر پايدا بولدى جانە جۇمىس كوميسسياسى ارقىلى شەشىلىپ وتىردى.
بۇگىندە باعدارلاما سۇلباسى مىنا تىزبەمەن جۇمىس ىستەيدى: ەكىنشى دەڭگەيلى بانكتەرگە قاراجات اۋداراتىن پروبلەمالىق قارىز قورى بار جانە بانكتەر وسىدان كەيىن قاراجاتتى يگەرەدى، وسىلايشا، ولار پروبلەمالىق قارىز الۋشىلاردى قايتا قارجىلاندىرادى»، - دەدى اندرەي لي.
ونىڭ ايتۋىنشا، بۇرىنعى باعدارلاما بويىنشا، بانكتەر اۋدارىلعان قاراجاتتاردى 9 اي ىشىندە يگەرۋى ءتيىس بولاتىن، ءسال كەيىنىرەك سالىمداردى يگەرۋدى 2016 -جىلدىڭ جەلتوقسان ايىنا دەيىن سوزۋ تۋرالى وزگەرىستەر ەنگىزىلدى.
ودان بولەك، ا. لي ماۋسىم ايىندا باعدارلاماعا جاڭا قاتىسۋشىلار - «اف يپوتەكا» جانە «قازاقستان يپوتەكالىق كومپانياسى» اق ءبىر بىرىنە قوسىلعانىن حابارلادى.
«ۇلتتىق بانك بىزگە جاۋاپ قايتاردى، وندا جاڭا قاتىسۋشىلار ءۇشىن قاراجات بولىنگەنىن، تەك ازىرگە 22 - تامىزعا دەيىن قارىز الۋشىلار ءوتىنىمىن قابىلداماۋ تۋرالى، كەلىسسوزدەر ءراسىمى ءجۇرىپ جاتقاندىقتان، «قازاقستان يپوتەكالىق كومپانياسىنا» ءالى قاراجات بولىنبەگەنىن ايتتى. ەگەر ولارعا قازىر اقشا بولسە دە، بۇل سالىمداردى يگەرۋگە ءۇش اي عانا ۋاقىت قالادى»، - دەدى اندرەي لي.
ا. لي ايتقان مالىمەتتەرگە سۇيەنسەك، الماتى، استانا، وڭتۇستىك قازاقستان، جامبىل جانە شىعىس قازاقستان وبلىستارى باعدارلاماعا بەلسەندى قاتىسۋدا.
«ءبىزدىڭ ۇسىنىمىز ەڭ قىسقا مەرزىمدى 2017 -جىلدىڭ 1 - جەلتوقسانىنا دەيىن سوزۋ»، - دەدى ول.
