07:41, 07 - قىركۇيەك 2016 | GMT +5
حالقارالىق عارىش ستانسياسى ەكيپاجىنىڭ ءۇش مۇشەسى جەرگە ورالدى
استانا. قازاقپارات - بۇگىن تاڭەرتەڭ قازاقستانعا ح ع س ەكيپاجىنىڭ ءۇش مۇشەسى وتىرعان «سويۋز ت م ا-20م» عارىش كەمەسىنىڭ اپپاراتى كەلىپ قوندى. بۇل تۋرالى رەسەيدىڭ ۇشۋلاردى باسقارۋ ورتالىعى جاريا ەتتى،
دەپ حابارلايدى ت ا س س اگەنتتىگى.
اپپارات قونعان جەرگە ەكيپاج مۇشەلەرىن كاپسۋلادان ەۆاكۋاتسيالايتىن ىزدەۋ- قۇتقارۋ وتريادى اتتاندىرىلدى. جەرگە امەريكالىق دجەففري ۋيليامس، رەسەيلىك الەكسەي وۆچينين مەن ولەگ سكريپوچكا ورالدى.
كەلەسى عارىش كەمەسى بارعانشا ح ع س- دا عارىشكەرلەر: جاپوندىق تاكۋيا ونيسي، امەريكالىق كەتلين رۋبينس جانە رەسەيلىك اناتولي يۆانيشين كەزەكشىلىك ەتەدى.
