اتىراۋ وبلىسىنىڭ اكىمى نيجات راحيموۆقا استانادان پاتەر سىيلادى - فوتو
قالا حالقى مەن وليمپياداشىلاردىڭ سالتاناتتى كەزدەسۋى اۋەجايدا باستالدى، وليمپيادا چەمپيونى نيجات راحيموۆتى اكەسى، اناسى جانە قارىنداسى كۇتىپ الدى.
قالانى ارالاپ شىققان سوڭ، وليمپيادا چەمپيونى «جايىق» سپورت كەشەنىنە كەلدى. وندا ن. راحيموۆتىڭ قۇرمەتىنە كونسەرت جانە جاس سپورتشىلارمەن كەزدەسۋ ۇيىمداستىرىلعان.
اتىراۋ وبلىسىنىڭ اكىمى نۇرلان نوعايەۆ سپورتشىلاردى قۇتتىقتادى: - ءبىز سەندەردىڭ جەتىستىكتەرىڭمەن ماقتانامىز، ريو وليمپياداسى باستالىسىمەن، دەمىمىزدى ىشكە تارتىپ، ويىندى باقىلادىق، - دەدى ن. نوعايەۆ. - ءوز جەڭىسىمەن ن. راحيموۆ قازاقستانداعى سپورتتىڭ دامۋىنا قوزعاۋ سالدى، وعان قازاقستاندا قاجەتتىنىڭ ءبارى بار. ونىڭ ەل قورجىنىنا سالعان العاشقى وليمپيادا التىنى جاستار ءۇشىن كەرەمەت ىنتالاندىرۋ بولدى.
مەملەكەت باسشىسى قازاقستاندىقتار اراسىنداعى سالاماتتى ءومىر سالتىن دارىپتەۋ تۋرالى ۇنەمى ايتىپ جۇرەدى جانە ءبىزدىڭ سپورتشىلاردىڭ مۇنداي جەتىستىكتەرى جاستاردىڭ پاتريوتتىق سەزىمىن وياتادى، ءوزىن ءوزى دامىتۋعا جەتەلەيدى.
اتىراۋ وبلىسىنىڭ اكىمى نيجات راحيموۆقا استانادان ءۇش بولمەلى پاتەر سىيلادى. ءدال قازىرگى ۋاقىتتا ن. راحيموۆ استانادا جاتتىعۋدا. ال تاەكۆوندوشى جانسەل دەنيزگە 2 ميلليون تەڭگە سەرتيفيكاتىن تابىستادى. سالتاناتتى ءسوز سويلەۋدەن كەيىن ن. راحيموۆ قولداۋ بىلدىرگەن قازاقستاندىقتارعا ءوز العىسىن ءبىلدىردى: - ماعان ۇلكەن قولداۋ بىلدىرگەن قازاقستان حالقىنا راقمەت ايتامىن، - دەدى راحيموۆ. - اتىراۋ وبلىسىنا ۇلكەن راقمەت، مەن مۇندا 2014-جىلى كەلدىم، وسىندا مەنى ءبارى قولدادى، بارلىق وبلىس تۇرعىندارىنا ۇلكەن العىس ايتامىن!
چەمپيونعا ارنايى مەرەكەلىك كونسەرت ۇيىمداستىرىلدى. كونسەرت بىتكەن سوڭ ن. راحيموۆ اتىراۋ وبلىسىنىڭ اكىمى ن. نوعايەۆقا «سەلفي» جاساۋ تۋرالى ءوتىنىش ءبىلدىردى.
