17:51, 04 - قىركۇيەك 2016 | GMT +5
قازاقستان ب ۇ ۇ- نىڭ جاھاندىق باستامالارىن قولدايدى
استانا. قازاقپارات - قازاقستان پرەزيدەنتى نۇرسۇلتان نازاربايەۆ «G-20» ءسامميتى الاڭىندا بىرىككەن ۇلتتار ۇيىمىنىڭ باس حاتشىسى پان گي مۋنمەن كەزدەستى، دەپ حابارلادى اقوردانىڭ باسپا ءسوز قىزمەتىنەن.
كەزدەسۋ بارىسىندا تاراپتار قازاقستان مەن ب ۇ ۇ اراسىنداعى ءوزارا ءىس-قيمىل ماسەلەلەرىن تالقىلاپ، بايلانىستاردى ودان ارى دامىتۋدىڭ پەرسپەكتيۆالارىن قاراستىردى.
مۇنان بولەك، نۇرسۇلتان نازاربايەۆ پەن پان گي مۋن حالىقارالىق كۇن تارتىبىندەگى بارىنشا وزەكتى اسپەكتىلەر بويىنشا پىكىر الماستى.
مەملەكەت باسشىسى ءبىزدىڭ ەلىمىز بەن ب ۇ ۇ اراسىنداعى جەمىستى ىنتىماقتاستىقتى اتاپ ءوتىپ، قازاقستان حالىقارالىق ۇيىمنىڭ بارلىق جاھاندىق باستامالارى مەن جوبالارىنا دايەكتى تۇردە قولداۋ بىلدىرەتىندىگىن باسا ايتتى.
ءوز كەزەگىندە پان گي مۋن ءبىزدىڭ ەلىمىزبەن ءتيىمدى سەرىكتەستىكتى ودان ءارى نىعايتۋعا جانە دامىتۋعا سەنىمدىلىك تانىتتى.
اۆتور: مارلان جيەمباي
