14:48, 04 - قىركۇيەك 2016 | GMT +5
استانا مارافونىندا شەتەلدىكتەر بەسىك ارباداعى بالالارىمەن جارىسقا قاتىستى
استانا. قازاقپارات - ەلوردادا قايىرىمدىلىق ماقساتتاعى ءىرى حالىقارالىق استانا مارافونىندا ون شاقىرىمدىق قاشىقتىقتاعى جارىسقا كىشكەنتاي بالالارىمەن بىرگە شەتەلدىك وتباسى قاتىستى.
ۇيىمداستىرۋشىلاردىڭ ايتۋىنشا، پاكىستاندىق وتباسى بالالارىمەن بىرگە مارافونعا قاتىسۋ ءۇشىن اتىراۋدان كەلگەن. الدىن الا مالىمەتتەر بويىنشا وتاعاسى «تەڭىزشيەۆرويل» مۇناي كومپانياسىندا قىزمەت ەتەدى.
باستاپقىدا اتا-انالارى بالالارىن بەسىك اربامەن الىپ كەلە جاتقان ەدى، كەيىننەن مارەگە جاقىنداعان كەزدە بالانىڭ بىرەۋىن اكەسى قولىنا الدى، ال ەكىنشى بالا ءوز اياعىمەن جۇگىردى. شامامەن بالالار 3-5 جاس ارالىعىندا. اتاپ ايتقاندا، جارىسقا سونىمەن قاتار ەگدە جاستاعى ادامدار دا قاتىستى.
ايتا كەتەيىك، قىركۇيەكتىڭ ءبىرىنشى جەكسەنبىسىندە قازاقستاندا مۇنايشىلار وزدەرىنىڭ كاسىبي مەرەكەلەرىن اتاپ وتەدى.
