نازاربايەۆ بۇگىن «ۇلكەن جيىرمالىق» سامميتىندە ءسوز سويلەيدى
حاڭجوۋدا «ۇلكەن جيىرمالىق» سامميتىنىڭ تاقىرىپتىق جۋرنالىنىڭ «سامميت قوناقتارى مەن كوشباسشىلارىنىڭ كوزقاراستارى» بولىمىندە نۇرسۇلتان نازاربايەۆتىڭ جاھاندىق ۇردىستەرگە، شارا تاقىرىبىنا پىكىرى كەلتىرىلگەن.
«وتكەن ءجۇزجىلدىقتىڭ ادامدارى سياقتى بەيبىتشىلىك ءۇشىن سانالى تۇردە تاباندىلىقپەن كۇرەسۋ قاجەت. بالالارىمىز بەن نەمەرەلەرىمىزدىڭ بولاشاعىنا بەي-جاي قاراماۋىمىز قاجەت. وتكەن ءجۇزجىلدىقتاردىڭ قايعىلى قاتەلىكتەرىن قايتالاماس ءۇشىن بارشا الەم بويىنشا ۇكىمەتتەردىڭ، ساياساتكەرلەردىڭ، عالىمدار، كاسىپكەرلەر، ونەر ادامدارى، ميلليونداعان حالىقتى بىرىكتىرىپ، سوعىس قاۋپى بولمايتىن بەيبىتشىلىك قالىپتاستىرۋىمىز قاجەت»، - دەگەن قازاقستاندىق كوشباسشىنىڭ يدەياسىن كەلتىرەدى باسىلىم.
ودان ءارى ن. نازاربايەۆتىڭ، بەيبىتشىلىكتى قامتاماسىز ەتۋ بويىنشا ءىس-قيمىلدان باس تارتۋ، كۇشتەردى شەكتەۋ جاھاندىق اپاتقا الىپ كەلۋى مۇمكىن ەكەنىن ايتقانىنا توقتالعان. قازاقستان پرەزيدەنتىنىڭ كەلەشەك ۇرپاق تاعدىرىنا الاڭداۋشىلىعى «بەيبىتشىلىك. XXI عاسىر» مانيفەستىندە ايتىلعان.
«ءبىز، مەملەكەتتەر مەن ساياسات كوشباسشىلارى ادامزات ءۇشىن وراسان جاۋاپكەرشىلىكتى ارقالاپ وتىرمىز»، - دەگەن ن. نازاربايەۆتىڭ سوزىمەن تۇيىندەدى جۋرنال.
ەسكە سالساق، 1- قىركۇيەكتە ن. نازاربايەۆ ق ح ر ءتوراعاسى شي ءجينپيڭنىڭ شاقىرۋىمەن قىتايعا G20 سامميتىنە قاتىسۋ ءۇشىن جۇمىس ساپارىمەن كەلدى.
4-5- قىركۇيەك وتەتىن سامميتىڭ تاقىرىبى - «يننوۆاتسيالىق، ساۋ، ءوزارا بايلانىستى، ينكليۋزيۆتى الەمدىك ەكونوميكا قالىپتاستىرۋ».
سامميت اياسىندا ق ر پرەزيدەنتىنىڭ شەتەلدىك دەلەگاتسيالارمەن، قىتايلىق بزنەس وكىلدەرىنىڭ باسشىلارىمەن كەلىسسوزى كۇتىلۋدە.
