13:42, 03 - قىركۇيەك 2016 | GMT +5
الماتىلىقتار وزبەكستان ەلشىلىگىنە گۇل شوقتارىن اكەلۋدە
الماتى. قازاقپارات - الماتىدا تۇرعىندار يسلام كاريموۆتىڭ قايتىس بولۋىنا بايلانىستى قازاقستانداعى ووبەكستان رەسپۋبليكاسى ەلشىلىگىنىڭ عيماراتىنا گۇل شوقتارىن اكەلۋدە، دەپ حابارلادى «قازاقپارات» ح ا ا ءتىلشىسى.
تاڭعى جەتىدەن باستاپ الماتى تۇرعىندارى مەن قوناقتارى قازاقستانداعى وزبەكستان رەسپۋبليكاسى ەلشىلىگىنىڭ عيماراتىنا گۇل شوقتارىن اكەلىپ، كوڭىل ايتۋ كىتابىنا جازبا قالدىرۋدا.
«ءبىزدىڭ وتانىمىز، كۇللى وزبەك حالقى ورنى تولمايتىن، اۋىر قازانى باستان وتكەرۋدە. 2016 - جىلعى 2 - قىركۇيەكتە اۋىر ناۋقاستان كەيىن كورنەكتى مەملەكەتتىك جانە ساياسي قايراتكەر، وزبەكستان رەسپۋبليكاسىنىڭ تۇڭعىش پرەزيدەنتى يسلام ابدۋگانيەۆيچ كاريموۆ دۇنيەدەن ءوتتى»، - دەپ جازدى قازاقستانداعى وزبەكستان ەلشىسى يكروم نازاروۆ.
