وزبەكستاندا كاريموۆتى ماڭگى ەستە ساقتاۋ بويىنشا ۇسىنىس ەنگىزۋدى تاپسىردى

استانا. قازاقپارات - مينيسترلەر كابينەتى مەن وزبەكستان پارلامەنتى يسلام كاريموۆتى جەرلەۋدى ۇيىمداستىرۋ جونىندەگى مەملەكەتتىك كوميسسيانى قۇرۋ تۋرالى بىرلەسكەن قاۋلى جاريالادى.

مەملەكەتتىك كوميسسيا وزبەكستان رەسپۋبليكاسىنىڭ تۇڭعىش پرەزيدەنتىن ماڭگى ەستە ساقتاۋ بويىنشا ۇسىنىستار ەنگىزۋدى تاپسىردى.

«ءبىر اي مەرزىمدە حالىقتىڭ، كاسىپورىندار، ۇيىمدار، وقۋ ورىندارى، جۇرتشىلىقتىڭ پىكىرلەرىن ەسكەرىپ، وزبەكستان رەسپۋبليكاسىنىڭ تۇڭعىش پرەزيدەنتى يسلام كاريموۆتى ماڭگى ەسكە ساقتاۋ بويىنشا ۇسىنىستار ەنگىزىلسىن»، - دەلىنگەن قاۋلى ماتىنىندە.

 ەسكە سالا كەتسەك، ەل بيلىگى وزبەكستان باسشىسىنىڭ قايتىس بولعانىن رەسمي كەشە حابارلاعان ەدى. يسلام كاريموۆتى بۇگىن سامارقاند قالاسىنا جەرلەيدى. ەلدە ءۇش كۇنگە سوزىلاتىن قارالى كۇن جاريالانعان. وزبەكستان پرەزيدەنتىنىڭ دەنەسىن بۇگىن تاڭەرتەڭ تاشكەنت كوشەلەرىمەن اقتىق ساپارعا الىپ ءوتتى. قالا تۇرعىندارى كوشەنىڭ ەكى جاعىنا ساپقا تۇرىپ مەملەكەت باسشىسىمەن قوشتاستى.

 جەرلەۋدى ۇيىمداستىرۋ جونىندەگى مەملەكەتتىك كوميسسيا قۇرامىنا تومەندەگىلەر كىردى:

ش. م. ميرزييەۆ- وزبەكستان رەسپۋبليكاسىنىڭ پرەمەر- ءمينيسترى، كوميسسيا ءتوراعاسى؛

ن. ت. يۋلداشيەۆ - وزبەكستان رەسپۋبليكاسى وليي ماجليس سەناتىنىڭ ءتوراعاسى، كوميسسيا ءتوراعاسىنىڭ ورىنباسارى؛

ن. م. يسمايلوۆ- وزبەكستان رەسپۋبليكاسى وليي ماجليس زاڭنامالىق پالاتاسىنىڭ سپيكەرى، كوميسسيا ءتوراعاسىنىڭ ورىنباسارى؛

ر. ر. ينوياتوۆ - وزبەكستان رەسپۋبليكاسى ۇلتتىق قاۋىپسىزدىك قىزمەتىنىڭ ءتوراعاسى؛

ر. س. ازيموۆ - پرەمەر- ءمينيستردىڭ ءبىرىنشى ورىنباسارى، وزبەكستان رەسپۋبليكاسى قارجى ءمينيسترى؛

ز. ح. حايداروۆ - وزبەكستان رەسپۋبليكاسى پرەزيدەنتى اپپارات ىستەرى باسقارۋشى؛

د. ا. نازارمۋحامەدوۆ- وزبەكستان رەسپۋبليكاسى پرەزيدەنتىنىڭ مەملەكەتتىك كەڭەسشىسى؛

ح. م. سۋلتانوۆ - وزبەكستان رەسپۋبليكاسى پرەزيدەنتىنىڭ مەملەكەتتىك كەڭەسشىسى؛

ۆ. ۆ. ماحمۋدوۆ - وزبەكستان رەسپۋبليكاسى جانىنداعى قاۋىپسىزدىك كەڭەسىنىڭ حاتشىسى؛

م. ت. ەرنيازوۆ- قاراقالپاقستان جوكارگى كەڭەسىنىڭ ءتوراعاسى؛

ا. ا. احمەدبايەۆ- وزبەكستان رەسپۋبليكاسى ىشكى ىستەر ءمينيسترى؛

ك. ر. بەردييەۆ- وزبەكستان رەسپۋبليكاسى قورعانىس ءمينيسترى؛

ا. ح. كاميلوۆ - وزبەكستان رەسپۋبليكاسى سىرتقى ىستەر ءمينيسترى؛

ر. د. كۋربانوۆ - «رەسپۋبليكالىق مامانداندىرىلعان كارديولوگيا ورتالىعى» اكسيونەرلىك قوعامىنىڭ ديرەكتورى، وزبەكستان باتىرى؛

ب. ش. ميربابايەۆ - وزبەكستان رەسپۋبليكاسى كونستيتۋتسيالىق سوت ءتوراعاسى؛

و. ج. راماتوۆ - « وزبەكستان تەمىر جولى» اكسيونەرلىك قوعامىنىڭ ءتوراعاسى، وزبەكستان باتىرى؛

ك. س. ساناكۋلوۆ - ناۋوي تاۋ- كەن- مەتاللۋرگيالىق كومبيناتىنىڭ باس ديرەكتورى، وزبەكستان باتىرى؛

ز. ت. ميرزايەۆ - سامارقاند وبلىسىنىڭ اكىمى؛

ب. گانيەۆ - «كامولوت» قوعامدىق جاستار قوزعالىسى ورتالىق كەڭەسىنىڭ ءتوراعاسى؛

ش. گ. ۋسمانوۆ - «نۋروني» رەسپۋبليكالىق قورىنىڭ ءتوراعاسى؛

ر. د. ۋسمانوۆ - تاشكەنت قالاسىنىڭ اكىمى؛

 م. ا. شاراپوۆا - كاشكاداريا وبلىسى كارشي قالاسىنىڭ №2 مامانداندىرىلعان مەكتەپ- ينتەرناتىنىڭ ماتەماتيكا مۇعالىمى، وزبەكستان باتىرى.