يسلام كاريموۆتى شاحي- زيندا كەسەنەسىنە جەرلەدى
وزبەكستان پرەزيدەنتى يسلام كاريموۆتىڭ دەنەسىن تاشكەنتتەن تۋعان قالاسى سامارقاندقا ۇشاقپەن جەتكىزدى. كورتەج قوشتاسۋ ءراسىمى وتەتىن قالا ورتالىعىنا كەلدى. جول بويىندا كوشەنىڭ ەكى جاعىنا ءتىزىلىپ تۇرعان ادامدار وعان قۇرمەت كورسەتىپ، قارالى شەرۋدىڭ جولىنا گۇل شوقتارىن تاستادى. ارالارىندا كوز جاستارىنا ەرىك بەرگەن ادامدار قاراسى كوپ بولدى.
اقتىق ساپارعا شىعارىپ سالۋ ءراسىمى رەگيستاننىڭ تاريحي الاڭىندا ءوتتى، وندا مارقۇمنىڭ تۋعان- تۋىستارىمەن بىرگە شەت ەلدەردىڭ مەملەكەت باسشىلارى مەن رەسمي وكىلدەرى، ءىرى حالىقارالىق ۇيىمداردىڭ باسشىلارى، جۋرناليستەر، قوعام قايراتكەرلەرى قاتىستى. مارتەبەلى تۇلعالاردىڭ قاتارىندا تاجىكستان، تۇركىمەنستان، اۋعانستان پرەزيدەنتتەرى، رەسەي، قازاقستان، قىرعىزستان جانە گرۋزيا پرەمەر- مينيسترلەرى، يراننىڭ س ءى م باسشىسى، ب ا ءا مەملەكەتتىك ءمينيسترى، ت م د اتقارۋشى حاتشىسى جانە باسقالارى بولدى.
شامامەن بىرنەشە مىڭعا جۋىق ادام جينالدى. راسىمنەن كەيىن قارالى شەرۋ كونە شاحي- زيندا قورىمىنا بەت الدى، وندا يسلام كاريموۆتى يسلام عۇرپىنا ساي جەر قوينىنا تاپسىردى.
يسلام كاريموۆتىڭ اتا- اناسى جەرلەنگەن شاحي- زيندا قورىمىندا جەرلەنگەن. بۇل تاريحي ورىن سانالاتىندىقتان سوڭعى 20 جىلدان بەرى ادام جەرلەۋگە تىيىم سالىنعان، الايدا مەملەكەت باسشىسى ءۇشىن عانا رۇقسات ەتىلدى.
سامارقاندتا ءبيبى حانىم مەشىتىنە جاقىن ساۋلەت ەسكەرتكىشتەرى شاحي- زيندا كەشەنى ورنالاسقان. شاحي- زيندا ون ءبىر ماۆزولەيدەن تۇرادى، ولار 14 - 15 - عاسىرلاردا سالىنعان. كونە كەسەنە افراسياب قالاشىعىنا جاقىن ورنالاسقان. ونى قورىم كوشە دەپ تە اتايدى. شاحي زينداعا اتاقتى ادامدار مەن پاتشالار جەرلەنەدى. ماۆزولەيدىڭ باستى تۇسى پايعامباردىڭ نەمەرە ءىنىسى مۇحاممەد - كۋساما يبن- ابباس كەسەنەسىنەن باستالادى. ونىڭ اتاۋى پارسى تىلىنەن اۋدارعاندا «ءتىرى پاتشا» دەگەن ۇعىمدى بەرەدى.
