يسلام كاريموۆتىڭ سىرقاتى مەن قازاسىنىڭ سەبەبى جايلى مەديتسينالىق قورىتىندى جاريالاندى
«ي. ا. كاريموۆ 27 - تامىز كۇنى تاڭەرتەڭگى 09.00 شاماسىندا ەس- ءتۇسسىز كۇيىندە وزبەكستان رەسپۋبليكاسى دەنساۋلىق ساقتاۋ مينيسترلىگى دارىگەرلىك- سانيتارلىق بىرلەستىگىنىڭ ورتالىق كلينيكالىق اۋرۋحاناسىنا جەتكىزىلدى. جۇرگىزىلگەن زەرتتەۋلەر، سونىڭ ىشىندە ميعا جاسالعان ك ت ناۋقاستىڭ مي قان اينالىمى تورلى قابىق استىنا قان قۇيىلۋ (ينسۋلت) سالدارىنان بۇزىلعانىن انىقتادى. قان قىسىمى سىناپ باعاناسى بويىنشا 250/120 بولدى. جۇرەك سوعىسى توقتاپ قالدى. 20 مينۋت ىشىندە جاسالعان رەانيماتسيالىق شارالار جۇرەك سوعىسىن قالپىنا كەلتىرۋگە مۇمكىندىك بەردى. وسىدان كەيىن ناۋقاستا اتونيالىق ەستەن تانۋ بولىپ، مي باعانىنىڭ قىزمەتىنە قىسىم ءتۇسىرۋ تىركەلدى. سول سەبەپتى ول جاساندى جولمەن تىنىس بەرۋ قۇرىلعىسىنا اۋىستىرىلدى»، - دەلىنگەن حابارلامادا.
تامىزدىڭ 27-ىنەن 28-ىنە قاراعان ءتۇنى ناۋقاس شەت ەلدەردىڭ بىلىكتى نەيروحيرۋرگ، كارديولوگ جانە رەانيماتولوگتارىمەن كونسۋلتاتسيالاندى. ولار: اكادەميك ل. ا. بوكەريا - ا. ن. باكۋليەۆ اتىنداعى جۇرەك- قان تامىرى حيرۋرگياسى عىلىمي ورتالىعىنىڭ ديرەكتورى (رەسەي)؛ اكادەميك ا. ا. پوتاپوۆ - ن. ن. بۋردەنكو اتىنداعى نەيروحيرۋرگيا عىلىمي ورتالىعىنىڭ ديرەكتورى (رەسەي)؛ پروفەسسور امير سامي (ا. Samii) - گاننوۆەر ينتەرناتسيونالدىق نەيروحيرۋرگيا ينستيتۋتىنىڭ ۆيتسە- پرەزيدەنتى جانە اتقارۋشى ديرەكتورى (گەرمانيا)، پروفەسسور دجيللي درەيفۋس (G. Dreyvus) - كارديوتوراكالدىق ورتالىقتىڭ ديرەكتورى (موناكو)، پروفەسسور حيۋگو كاتۋس (H. Katus) - حەيدەلبەرگتىڭ ۋنيۆەرسيتەت جانىنداعى كلينيكانىڭ كارديولوگيا ءبولىمىنىڭ باسشىسى (گەرمانيا)، پروفەسسور يۋكا حەرنيسنيەمي (Y. Hernesniemi) - حەلسينكي ۋنيۆەرسيتەتىنىڭ ورتالىق اۋرۋحاناسىنىڭ نەيروحيرۋگيا ءبولىمىنىڭ پروفەسسورى (فينليانديا).
2016 -جىلدىڭ 2 -قىركۇيەگى كۇنى جاسالعان شارالارعا قاراماستان 20:15-تە جۇرەك قىزمەتى توقتادى. قارقىندى رەانيماتسيالىق شارالار ناتيجە بەرمەدى جانە 20:55-تە ناۋقاستىڭ بيولوگيالىق ءولىمى تىركەلدى».
ەسكە سالا كەتەيىك، يسلام كاريموۆتىڭ جانازاسى 3 - قىركۇيەك كۇنى سامارقاندا شىعارىلادى.
