اقتوبە تۇرعىنى تەرروريزمدى ناسيحاتتاعانى ءۇشىن سوتتالدى

استانا. قازاقپارات - اقتوبە تۇرعىنى تەرروريزمدى ناسيحاتتاعانى ءۇشىن سوتتالدى، دەپ حابارلايدى ايماقتىق سوتتىڭ باسپا ءسوز قىزمەتىنەن.

 اقتوبە قالاسىنىڭ №2 سوتىندا ا. ح. ابدرايەۆقا قاتىستى قازاقستان رەسپۋبليكاسىنىڭ قىلمىستىق كودەكسىنىڭ 256 بابىنىڭ 1 - بولىگىمەن (تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا تۇردە شاقىرۋ) قاتىستى قىلمىستىق ءىس قارالدى.

سوتتا انىقتالعانداي، ا. ح. ابدرايەۆ 2016 -جىلدىڭ ناۋرىز ايىندا ءوزىنىڭ ءدىني كوزقاراسىن كۇرت وزگەرتىپ، ءداستۇرلى يسلام ءدىنىن ۇستانۋشى تانىستارى س. -مەن ا. -عا سيريا مەملەكەتىنىڭ اۋماعىندا بولىپ جاتقان سوعىس جاعدايىن قوزعاي وتىرىپ، رەسەي فەدەراتسياسىنىڭ سيريا ەلىنە جاساعان انتيتەررورلىق وپەراتسياسىنا ىزالانىپ، رەسەي فەدەراتسياسىنىڭ اۋماعىندا تەرروريستىك اكتىنى جاساۋعا شاقىرعان.

سوت جازا تاعايىنداۋ كەزىندە ونىڭ جازاسىن جەڭىلدەتەتىن ءمان- جايلار رەتىندە جاعىمدى مىنەزدەلەتىنىن، ايىپتى مويىندايتىنىن، وكىنەتىنىن، بۇرىن سوتتى بولماعاندىعىن ەسكەرەدى. جازاسىن اۋىرلاتاتىن ءمان- جايلار سوتتا انىقتالعان جوق.

 سوت ق ر ق ك- ءنىڭ 55-بابىنىڭ 2-بولىگى بويىنشا سوتتالۋشى ا. ح. ابدرايەۆتىڭ جاۋاپتىلىقتارى مەن جازالارىن جەڭىلدەتەتىن ءمان- جايلاردىڭ بولۋىن جانە جاۋاپتىلىقتارى مەن جازالارىن اۋىرلاتاتىن ءمان- جايلاردىڭ جوقتىعىن، جاساعان قىلمىستارى اۋىر قىلمىستار قاتارىنا جاتاتىنىن ەسكەرە وتىرىپ، وعان ق ر ق ك- ءنىڭ 256-بابىنىڭ 1-بولىگىنىڭ سانكتسياسىندا كوزدەلگەن جازانىڭ اناعۇرلىم قاتاڭ ءتۇرىنىڭ ەڭ جوعارى مەرزىمىنىڭ، ياعني 7 -جىلدىڭ ۇشتەن ەكىسىنەن اسپايتىن جازانى، ياعني مۇلىكتەرىن تاركىلەپ، 4 -جىل 8-ايعا باس بوستاندىعىنان ايىرۋ جازاسىن تاعايىندادى. جازانى وتەۋ ورنى بولىپ تۇزەۋ كولونياسىنىڭ جالپى رەجيمى بەلگىلەندى.

سوت ۇكىمى زاڭدى كۇشىنە ەنگەن جوق.