يادرولىق قارۋدان باس تارتۋ ەرىكتى اكتى بولدى - ق ر پرەزيدەنتى

«سول ۋاقىتتا ءبىزدىڭ اۋماعىمىزدا باتىس «ساتانا» دەپ اتاعان س س-18 قۇرلىق ارالىق بالليستيكالىق 104 زىمىران ورنالاستىرىلعان. ولاردا 1400 يادرولىق وقتۇمسىق ورناتىلعان ەدى. ءبىزدىڭ ايرودرومدارىمىزدا 370 قاناتتى يادرولىق زىمىرانى بار 40 ستراتەگيالىق بومبالاۋشى ۇشاق بولدى. بۇل الەۋەت فرانسيا، ۇلى بريتانيا جانە قىتايدىڭ يادرولىق كۇشىن قوسا العاندا دا ارتىق ەدى. سەمەي پوليگونىندا يادرولىق قارۋ شىعارۋعا جانە جەتىلدىرۋگە دايىن قۋاتتى عىلىمي- تەحنيكالىق ينفراقۇرىلىم قالدى. بۇعان قوسا، بۇكىل الەمدەگى تابيعي ۋراننىڭ تورتتەن بىرىنە يە قازاقستاننىڭ ونى بايىتۋدىڭ تولىق سيكلى، يادرولىق وتىن، رەاكتورلىق قوندىرعىلار شىعارۋ مۇمكىندىگى بولدى. بۇل قازىر دە قالىپ وتىر. ەل اۋماعىندا اقتاۋ قالاسىنداعى اتوم رەاكتورىن قوسا العاندا يادرولىق وتىمەن جۇمىس ىستەيتىن بەس قۇرىلعى ورنالاسقان»، - دەدى ەلباسى.

 مەملەكەت باسشىسى مۇنداي الەۋەتتەن باس تارتۋ ءۇشىن كۇشتى ساياسي ەرىك- جىگەر قاجەت بولعاندىعىن اتاپ ءوتتى. يادرولىق قارۋ مەن يادرولىق دەرجاۆا مارتەبەسىنەن باس تارتۋ بارشا قازاقستان حالقىنىڭ تاڭداۋ بولعاندىعىن ايتتى.