قايرات نۇرتاس ەرەكشە قۇتتىقتاعان بويجەتكەن بەلگىلى مەسەناتتىڭ قىزى بولىپ شىقتى
تامىزدىڭ 18- كۇنى تانىمال ءانشى قايرات نۇرتاس Instagram جەلىسىندەگى پاراقشاسى ارقىلى دامەليا ەسىمدى بويجەتكەندى ۆيدوەقۇتتىقتاۋ ارقىلى قۇتتىقتاعان بولاتىن. ۆيدەو استىندا «ءداميلياجان، تۋعان كۇنىڭ قۇتتى بولسىن! اتا- اناڭا ۇزاق عۇمىر تىلەيمىن! بيىكتەن كورىنە بەر. قايرات نۇرتاس اعاڭنان سالەم!» دەپ جازىلعان.
ونىڭ بۇل ارەكەتى جەلى قولدانۋشىلارى اراسىندا تالقىعا سالىنىپ، وقىرماندار ءوزارا بۇل ارۋدىڭ كىم ەكەنىن بىلمەي دال بولدى.
تۋعان كۇن يەسى تۋرالى ءبىراز اقپارات جيناپ، ونىڭ بەلگىلى مەسەنات، «وقجەتپەس» ەمدەۋ- ساۋىقتىرۋ كەشەنى» ا ق پرەزيدەنتى قايرات بەركىنبايەۆتىڭ قىزى ەكەنى بەلگىلى بولدى.
عالامتورداعى مالىمەتكە سەنسەك، دامەليا - قايرات شەرال ۇلىنىڭ جالعىز قىزى. بەركىنبايەۆتىڭ ودان وزگە ءتورت ۇلى بار. كىشى ەكى ۇلى ەكىنشى نەكەدەن. ونىڭ قازىرگى تاڭداعى جارى كىم ەكەنى وقىرمانداردى قىزىقتىرماي قويمايدى. ول - «ايەل باقىتى» باعدارلاماسىنىڭ جۇرگىزۋشىسى ءلايلا سۇلتان قىزى.
قايرات بەركىنبايەۆ پەن ءلايلا سۇلتان قىزى - ەكەۋى دە وڭتۇستىك قازاقستان وبلىسىنىڭ تۋمالارى. قايرات شەرالى ۇلى دەپۋتاتتىققا ۇمىتكەر بولىپ، سۇلتان قىزىمەن جۇمىس بارىسى بويىنشا ارالاسىپ، كەيىن ماحاببات سەزىمى پايدا بولادى.
ول كەزدە بەركىنبايەۆ وڭتۇستىككە تانىمال كاسىپكەر بولاتىن. وتباسى، بالالارى دا بار. اۋقاتتى ازاماتتىڭ ەكىنشى جارى بولىپ تۇرمىسقا شىققان تەلەجۇرگىزۋشى ساعادات جانە ساردار ەسىمدى ۇلداردى ومىرگە الىپ كەلدى.
سۇلتان قىزى تىلشىلەرگە بەرگەن ءبىر سۇحباتىندا جولداسى قايراتتىڭ ءبىرىنشى نەكەدەگى بالالارى جانە كەلىندەرىمەن جاقسى ارالاسىپ تۇراتىنىن ايتقان.
ايتپاقشى، ءانشى قايرات نۇرتاس تۋعان كۇن يەسىن قۇتتىقتاعان ساتتە «وقجەتپەس» ساۋىقتىرۋ كەشەنىندە وتباسىمەن بىرگە دەمالىپ جۇرگەن. نەگە ەكەنى بەلگىسىز، ارادا ءبىر اپتا وتەر- وتپەس بويجەتكەنگە ارناپ جاريا ەتكەن قۇتتىقتاۋ ۆيدەوسىن ونەر جۇلدىزى پاراقشاسىنان ءوشىرىپ تاستادى.
