ۆاسيلي لەۆيتتىڭ سىياقىسىن دەمەۋشىلەر وتەيدى

اتالعان سوما وليمپيادا التىنىن العان سپورتشىعا بەرىلەتىن سىياقىمەن تەڭ. بۇگىن ورتالىق كوممۋنيكاتسيالار قىزمەتىندە ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ باسشىسى ەلسيار قاناعاتوۆ بۇل قاراجات قانداي كوزدەردەن الىناتىنىن ايتىپ بەردى.
«مەنىڭشە، دەمەۋشىلەر ەسەبىنەن الىنادى. ءبىزدىڭ وليمپيادا قۇراماسىنىڭ سەرىكتەسى بولعان «سامۇرىق- قازىنا» قورىنا العىس ايتامىن. ولار وسى باستامانى قولدايدى دەپ ويلايمىن»، - دەدى ول.
ەسكە سالا كەتەيىك، بۇنىڭ الدىندا ق ر بوكس فەدەراتسياسى ۆاسيلي لەۆيتكە وليمپيادا التىنىنا بەرىلەتىن سىياقى تاعايىندالاتىندىعىن حابارلاعان بولاتىن.
«ۆاسيلي لەۆيت وليمپيادا رينگىنىڭ فينالدىق كەزدەسۋىندە تاماشا ناتيجە، جەڭىسكە دە ايرىقشا ەرىك- جىگەر كورسەتتى. ول وليمپيادانىڭ كۇمىس مەدالىن جەڭىپ العاننان كەيىن وعان مەملەكەت 150 مىڭ دوللار سىياقى بەرەدى. بۇعان قوسا، قازاقستان بوكس فەدەراتسياسىنىڭ پرەزيدەنتى ت. قۇلىبايەۆتىڭ شەشىمىمەن اتالعان سوماعا تاعى دا 100 مىڭ دوللار قوسىلادى. وسىلايشا لەۆيتتىڭ سىياقىسى «التىنمەن» تەڭەسەدى»، - دەلىنگەن حابارلامادا.
اۆتور: جاسۇلان جولدىبايەۆ