وليمپيادا چەمپيوندارى مەن جۇلدەگەرلەرى استانا كوشەلەرىمەن ءجۇرىپ ءوتتى - فوتو، كەسكىن

وليمپيادالىق كورتەج كابريولەتتەردەن جاساقتالعان. ورتالىق كونسەرت زالى الدىندا وليمپياداشىلاردى استانالىق جۇرت زور قوشەمەتپەن قارسى الدى.

سپورتشىلار سالتاناتتى تۇردە قىزىل كىلەم ۇستىمەن ءجۇرىپ ءوتتى.

 ريو- دە- جانەيرو قالاسىندا 2016 -جىلى 5 - جانە 21 - تامىز ارالىعىندا وتكەن جازعى وليمپيادا ويىندارىنا قاتىسقان قازاقستان قۇراما كومانداسى جالپى سانى 17 مەدال ۇتىپ الدى. بۇل - قازاقستاننىڭ وليمپيادا ويىندارىنا 6- رەت قاتىسۋى. ءتورت جىلدىقتىڭ باستى دوداسىندا ەلىمىزدىڭ نامىسىن 26 سپورت تۇرىنەن 104 سپورتشى قورعاعان. وليمپيادادان قازاقستان ەنشىسىندە 3 التىن، 5 كۇمىس، 9 قولا جۇلدە بار. التىن جۇلدەگە بوكستان دانيار ەلەۋسىنوۆ، اۋىر اتلەتيكادان نيجات راحيموۆ پەن جۇزۋدەن دميتري بالاندين قول جەتكىزدى. كۇمىس مەدالدى قازاق سپورتشىلارى ساپىنان ادىلبەك نيازىمبەتوۆ (بوكس) ، ۆاسيلي ليەۆيت (بوكس) ، جازيرا جاپپارقۇل (اۋىر اتلەتيكا) ، ەلدوس سمەتوۆ (دزيۋدو) ، گۇزەل مانيۋروۆالار (كۇرەس) الىپ بەرسە، قولا جۇلدەگە يۆان دىچكو (بوكس) ، داريعا شاكىموۆا (بوكس) ، وتگونتسەتسەگ گالبادراق (دزيۋدو) ، كارينا گوريچيەۆا (اۋىر اتلەتيكا) ، ولگا رىپاكوۆا (جەڭىل اتلەتيكا) ، الەكساندر زايچيكوۆ (اۋىر اتلەتيكا) ، ەلميرا سىزدىقوۆا (كۇرەس) ، ەكاتەرينا لاريونوۆا (كۇرەس) ، فارحاد حاركي (اۋىر اتلەتيكا) قول جەتكىزە الدى.