دانيار ەلەۋسىنوۆ: باركەر كۋبوگىنا ۇمىتتەنگەن جوقپىن

استانا. قازاقپارات - 2016 -جىلعى ريو وليمپياداسىنىڭ جەڭىمپازى دانيار ەلەۋسىنوۆ ۆەل باركەر كۋبوگىنان ءۇمىتتى بولماعانىن العا تارتادى.
None
None

بۇگىن استانادا وليمپيادا چەمپيوندارى مەن جۇلدەگەرلەرى ق ر مادەنيەت جانە سپورت ءمينيسترى ارىستانبەك مۇحامەدي ۇلىمەن جانە ق ر ۇلتتىق وليمپيادا كوميتەتىنىڭ ءتوراعاسى تيمۋر قۇلىبايەۆپەن كەزدەسكەن بولاتىن.

«مەن وليمپيادا بارىسىندا باركەر كۋبوگىن يەلەنسەم دەپ ارمانداعان دا ەمەسپىن. ويتكەنى، وتكەن جولعى لوندون وليمپياداسىندا ونى ءبىزدىڭ بوكسشى سەرىك ساپيەۆ العان بولاتىن. ەكى جارىستا قاتارىنان ءبىر ەلدىڭ بوكسشىسىنا مارتەبەلى كۋبوكتى بەرە سالادى دەپ ويلامادىم. سوندىقتان دا، مەنىڭ بار ويىم وليمپيادا «التىنى» بولدى»، - دەدى جۋرناليستەرگە بەرگەن سۇحباتىندا دانيار ەلەۋسىنوۆ.

ونىڭ سوزىنە قاراعاندا، وليمپيادا چەمپيونى اتاعى بوكسشىنىڭ بالا كەزىنەن بەرگى ارمانى ەكەن. سونىمەن قاتار، ول وليمپيادا ويىندارىنداعى جەڭىستى باسقا ەشقانداي دا جارىستارمەن سالىستىرۋعا كەلمەيتىنىن دە ايتادى. «وليمپيادا - بۇل ۇلكەن جەتىستىك، بيىك شىڭ. مەنىڭ قولىمدى كوتەرگەندە، مەندە ودان باسقا ارمان دا، تىلەك تە بولعان جوق. ال جوسپارعا كەلسەك، شىنىمدى ايتسام، ازىرگە ەشقانداي جوسپار جوق. ءبىراز تىنىعامىن. سوسىن بارىپ ويلانامىز»، - دەدى چەمپيون ەلەۋسىنوۆ.

ايتا كەتەيىك، وليمپيادا ويىندارىنداعى ۆەل باركەر كۋبوگى 1936 -جىلدان بەرى ءتاسىلى مىقتى بوكسشىلارعا بەرىلىپ كەلەدى. بۇعان دەيىن قازاقستاننان ۆاسيلي جيروۆ (1996)، باقتيار ارتايەۆ (2004) جانە سەرىك ساپيەۆ (2012) ۆەل باركەر كۋبوگىن يەلەنگەن بولاتىن. بۇل جونىنەن قازاقستان ا ق ش بوكسشىلارىنان كەيىن (ولاردا 5 كۋبوك بار) ەكىنشى ورىندا تۇر. ال ريو وليمپياداسىندا باركەر كۋبوگى وزبەك بوكسشىسى حاسانباي دۋسماتوۆقا تاپسىرىلدى. سونىمەن قاتار، بيىل العاش رەت ايەلدەر اراسىنداعى بوكستان دا باركەر كۋبوگى تاعايىندالىپ، ونى ۇزدىك تەحنيكاسى ءۇشىن ك. شيلدس يەلەندى.
null null null null 

 اۆتور: قانات مامەتقازى ۇلى

سوڭعى جاڭالىقتار