كاليفورنيادا مۇعالىمدەرگە قارۋ ۇستاۋعا رۇقسات ەتىلدى

دەپ جازدى Life.ru.
جاڭا ەرەجەگە سايكەس، كاليفورنيانىڭ كەيبىر ورتا مەكتەپتەرىندە مۇعالىمدەر مەن باسقا دا مەكتەپ قىزمەتكەرلەرى قارۋمەن ءجۇرۋى مۇمكىن. ءبىلىم بەرۋ مەكەمەسىندە جالپى سانى بەس ادام قارۋ ۇستاۋىنا بولادى. ولار وزدەرىمەن بىرگە وق قارۋىن جاسىرىن الىپ جۇرۋگە ليسەنزياسى بولۋ كەرەك جانە الدىن الا قارۋدى قولدانۋ تۋرالى كۋرستان وتەدى.
وقيعا ورنىنا پوليتسيا جەتكەنشە، وق قارۋىن پايدالانۋعا مۇعالىمدەردىڭ تولىق قۇقىعى بار.
توتەنشە جاعدايلاردى قارۋدىڭ كومەگىمەن شەشەتىن ءبىلىم وردالارىنىڭ ءبىرى - «كينگسبەرگ حاي سكۋل» ورتا مەكتەبى.
- وسىلايشا، ءبىز ءوز وقۋشىلارىمىزدى، قىزمەتكەرلەرىمىزدى جانە بارلىق مەكتەپ قاۋىمىن قورعاي الامىز، - دەدى قارۋ ۇستاۋعا تولىق قۇقىعى بار مەكتەپ قىزمەتكەرلەرىنىڭ ءبىرى.
«كينگسبەرگ حاي سكۋل» مەكتەبىنىڭ ديرەكتورى ريچارد شوەل دە ءوز قىزمەتكەرلەرىنىڭ قارۋ ۇستاۋىن قولدايدى.
- ەگەر وسى ءىس ارقىلى كوپشىلىك ءوزىن قاۋىپسىز سەزىنسە، بۇل يدەيانى قولدايمىن. ماسەلەن، اياقاستى اتىس- شابىس باستالىپ كەتسە، قىزمەتكەرلەردىڭ ءبىرى ونى توقتاتا الادى، - دەدى شوەل.
الايدا، جاسىرىن قارۋ الىپ جۇرگەن مۇعالىمدەر وقۋشىلاردى قيىن ساتتە قۇتقارا المايدى، تاجىريبەلى قىلمىسكەرگە مۇعالىمنىڭ شاماسى جەتپەيدى دەپ ويلايتىندار بار.
- ەگەر ادام قارۋ ۇستاپ كورمەگەن بولسا، ونى دەرەۋ اتادى جانە سول قىلمىسكەر مۇعالىمنىڭ قارۋىن تارتىپ الۋى مۇمكىن، - دەپ مالىمدەدى كينگسبەرگ مەكتەبىنىڭ تۇلەكتەرىنىڭ ءبىرى.