جۋىردا جەكە بيزنەسىن اشقان قازاقستاندىق جۇلدىزدار

استانا. قازاقپارات - قازاقستاندىق جۇلدىزداردىڭ تاپقان تابىسىن قايدا جۇمسايتىندارى بەلگىلى بولدى. ولار انشىلىك پەن تەلەجۇرگىزۋشىلىكتەن، اكتەرلىكتەن بولەك، جەكە كاسىپتى قولعا الۋدى ءجون كورگەن ەكەن.
None
None

ديانا شاراپوۆانىڭ مۋزىكالىق ستۋدياسى
يەسىنىڭ تاجىريبەسى مول بولسا، بيزنەسى دە سونشالىقتى قارقىندى داميدى. مىسالى، ديانا شاراپوۆانىڭ Di studio اتتى ۆوكال ستۋدياسى بار. مەكتەپ ارتيستەردىڭ كۆاليفيكاتسياسىن كوتەرىپ، مۋزىكامەن كاسىبي دەڭگەيدە اينالىسۋعا كومەكتەسەدى. مۇنىمەن قاتار، كەلۋشىلەردىڭ ساحنالىق وبرازىن جاساقتاپ بەرەدى.

ايدار تۇرعانبەكوۆتىڭ شايى

2
«جىگىتتەر» توبىنىڭ ءانشىسى ايدار تۇرعانبەكوۆتىڭ بيزنەسى بارىنەن ەرەكشە. ايدار برەندىن ەندى عانا تانىستىرسا دا، ول جۇرت اراسىندا كەڭىنەن تانىمال. بۇعان ارىپتەستەرى جاساپ بەرگەن جارناما اسەر ەتسە كەرەك. بۇگىنگى تاڭدا اتالعان ءونىم قازاقستاننىڭ بىرنەشە قالاسىندا ساتىلىپ جاتىر.

 ارمان قوڭىربايەۆتىڭ كولىك جۋۋ ورتالىعى

 3

Mysterions توبىنىڭ ءانشىسى ارمان قوڭىربايەۆ تا ءوز ءىسىن اشۋدى ءجون كورگەن. ءانشى كولىك جۋۋ مەن دەتەيلينگ ورتالىعىن اشقان. ارمان تەمىر تۇلپارلارعا قىزمەت كورسەتەتىن مامانداردى دا اينالاسىنا جيناپ ۇلگەرگەن. ولار كولىك جۋىپ قانا قويماي، ونىڭ سىرتىن دا جوندەي الادى.

 ايگۇل يمانبايەۆادان ماتالار

 4

ايگۇل يمانبايەۆانىڭ استانا قالاسىندا جەكەمەنشىك مەكتەبى بار ەكەنى بەلگىلى. ءانشى جۋىردا تاعى دا ءبىر جەكە كاسىپتى قولعا الدى. ەندى ول ساۋدا- ساتتىقپەن اينالىسپاق. اكتريسا بارلىق ماتانى شەتەلدەن الدىرادى ەكەن. دۇكەن وسى كۇزدە اشىلادى دەپ جوسپارلانىپ وتىر.

 گۇلنار سيلبايەۆا ۇسىنعان پايدالى تاعامدار

 5

كۆن ويىنشىسىنىڭ پايدالى تاعامداردى ازىرلەپ، ونى تاسىمالدايتىن ورتالىعى بار. بۇل يدەياعا گۇلنار ءوز تاجىريبەسى ارقىلى كەلگەن ەكەن. ول وسىنداي تاعامعا تاپسىرىس بەرىپ، ارتىنشا باعاسىنىڭ ساپاسىنا ساي كەلمەيتىنىن انىقتاعان. وسىعان وراي، قولجەتىمدى باعامەن ديەتالىق تاعامدار تاسىمالدايتىن ورتالىق اشۋدى ءجون كورگەن. ازىرگە بۇل تاعامداردىڭ ءدامىن الماتىلىقتار عانا تاتىپ كورە الادى.

 دينارا ءساتجان ۇسىنعان موناكو

 6

وتكەن جىلدىڭ قاراشا ايىندا دينارا ءساتجان استانا قالاسىندا «موناكو» اتتى قوناقۇي- بۋتيك اشقان بولاتىن. اتالعان جوبانى قۇراستىرۋ ءۇشىن دينارا قوناقۇي بيزنەسىندە تاجىريبەسى بار سەربيالىق مەنەدجەر دجوردجيو كوستيكانى الدىرتقان. ول باكۋدە «بۋدداپەللاس»  قوناقۇيىن اشقان بولاتىن. مۇنىمەن قاتار، تاجىريبەلى باس اسپاز زوران بەلكوۆيچتى شاقىرتقان.

جانيا دجۋرينسكايانىڭ سۇلۋلىق سالونى

7
وتكەن جىلى جانيا دجۋرينسكايا استانا، ال بيىل الماتىدا سۇلۋلىق سالونىن اشتى. جانيانىڭ ايتۋىنشا، ول مۇنى كوپتەن بەرى ارمانداپ جۇرگەن ەكەن. بويجەتكەننىڭ ارمانى ءوزى استانا قالاسىنا كوشىپ بارعان سوڭ ورىندالعان.

Stan.kz 

سوڭعى جاڭالىقتار