ەستە ساقتاۋ قابىلەتىن جاقسارتۋدىڭ ەڭ وڭاي جولى قانداي؟

استانا. قازاقپارات - قازىرگى تاڭدا جاسى ۇلعايعان كىسىلەرمەن قاتار، جاستاردىڭ دا ەستە ساقتاۋ قابىلەتىنىڭ تومەندەگەنى ءجيى بايقالادى. ونىڭ سەبەپتەرى دە كوپ دەپ جازادى «اسىل ءسوز».

كۇيزەلىس. قورشاعان ورتا، ۋ- شۋى كوپ قالا مەن ەكولوگيا. تازا اۋادا كوبىرەك ءجۇرۋ، تىنىش ءارى ۋاقىتىلى ۇيىقتاۋ مەن ءبىرقالىپتى جۇمىس كەستەسى ەستە ساقتاۋ قابىلەتىن جاقسارتۋعا كومەكتەسەدى.

دۇرىس تاماقتانباۋ. ۋاقىتىلى تاماقتانباۋ، مايلى، اشى، ءتاتتى تاعامداردى كوپ قولدانۋ، گازدى سۋسىنداردى، كوفە مەن شايدى ءجيى قولدانۋ ەستە ساقتاۋدى ناشارلاتادى.

سالاۋاتتى ءومىر سالتىن ۇستانباۋ. ءسپيرتتى ىشىمدىكتەر، شىلىم شەگۋ، ەنەرگەتيكالىق سۋسىنداردى تۇتىنۋ ميدىڭ جۇمىسىنا كەرى اسەر ەتەدى.

ۆ 12 دارۋمەنى مەن فوليي قىشقىلىنىڭ جەتىسپەۋى. ۆ 12 دارۋمەنى سيىردىڭ باۋىرىندا، ەت، بالىق ونىمدەرىندە، جۇمىرتقانىڭ سارى ۋىزىندا كەزدەسەدى.

فوليي قىشقىلى جاسىل ءتۇستى كوكونىستەردە، ورامجاپىراقتا، قاراقاتتا، بۇلدىرگەندە، قىزىلشا، جاسىل بۇرشاق، ءسابىز، اسقاباق، قياردا، ساڭىراۋقۇلاق، بانان، اپەلسين، قاۋىن سياقتى كوكونىستەر مەن جەمىس- جيدەكتەردە وتە كوپ.

ءدارى- دارمەكتەردى ءجيى قولدانۋ. كەز كەلگەن دارىلەر، اسىرەسە، اۋىرۋدى باساتىن، ۇيىقتاتاتىن دارىلەر، انتيدەپرەسسانتتار ەستە ساقتاۋ قابىلەتىن تومەندەتەدى.

اتالعان كەڭەستەرمەن قاتار، داۋىستاپ وقۋ، ەسەپتەر شىعارۋ، ءتۇرلى لوگيكالىق جۇمباقتاردى شەشۋ دە ەستە ساقتاۋ قابىلەتىڭىزدى جاقسارتادى.