14:54, 23 - تامىز 2016 | GMT +5
ا ق ش- تا پوليتسەي ىمداپ تۇسىندىرگىسى كەلگەن مىلقاۋ جۇرگىزۋشىنى اتىپ تاستاعان
استانا. قازاقپارات - ا ق ش- تىڭ سولتۇستىك كارولينا شتاتىندا پوليتسەي ىمداپ تۇسىندىرگىسى كەلگەن ساڭىراۋ ءارى مىلقاۋ جۇرگىزۋشىنى اتىپ تاستاعان،

- دەپ حابارلايدى WCNC تەلەارناسى.
پوليتسياداعىلاردىڭ ايتۋىنشا، ولار جول بويىندا Volvo اۆتوكولىگىندە 29 جاستاعى دەنيەل كيەۆين حارريس ەسىمدى ازامات جىلدامدىقتى اسىردى دەگەن دەرەكتى تىركەگەن. پوليتسەيلەر اۆتوكولىكتى توقتاتپاقشى بولعان ەكەن، الايدا جۇرگىزۋشى ءتارتىپ ساقشىلارىنا ەشقانداي نازار اۋدارماي، جۇرە بەرگەن.
سودان پوليتسيا قىزمەتكەرلەرى ونى سوڭىنان قۋىپ، سالدارىنان ەكى كولىك سوقتىعىسقان. كەنەتتەن حارريس توقتاپ، كولىكتەن شىققان. كۋاگەرلەردىڭ ايتۋىنشا، ون سەكۋندتان كەيىن اتىستىڭ داۋىسى شىعىپ، ناتيجەسىندە حارريس وقيعا ورنىندا قازا تاپقان.
قازا تاپقان 29 جاستاعى حارريستىڭ كورشىلەرىنىڭ ايتۋىنشا، ول ساڭىراۋ ءارى مىلقاۋ بولعاندىقتان پوليتسەيلەردىڭ دابىلىن ەستىمەگەن جانە ولارعا نە كەرەك ەكەنىن ءتىپتى تۇسىنبەگەن.
Kaz.tengrinews.kz