موڭعول بالۋانىنىڭ باپكەرلەرى وليمپيادا ويىندارىنداعى قازىلارعا اشۋلانىپ شەشىنىپ تاستادى - فوتو، كەسكىن

بەلدەسۋ سوڭىندا گانزوريگ 7:6 ەسەبىمەن باسىم تۇرعان. سوڭعى سەكۋندتاردا موڭعول سپورتشىسى قولىن جوعارى كوتەرىپ، بەلدەسۋدەن قاشىپ ۋاقىت وتكىزە باستادى. گونگ داۋىسى ەستىلىپ، موڭعول بالۋانى مەن ونىڭ باپكەرلەرى جەڭىستى تويلاي باستاعان. الايدا تابلودا 7:7 ەسەبى كورسەتىلىپ، ارتىنشا وزبەك بالۋانى بەلدەسۋ جەڭىمپازى بولىپ تانىلدى.

وسىدان سوڭ ەكى تاراپ اراسىندا داۋ ءورشىدى. ناتيجەسىندە موڭعول باپكەرلەرى تۋرا كىلەم ۇستىندە شەشىنىپ، سول جەردەن كەتپەيتىندىكتەرىن مالىمدەگەن.

مۇنداي «جالاڭاش» قارسىلىققا قاراماستان، تورەشىلەر ءوز شەشىمدەرىن وزگەرتپەدى.

وسىلايشا وليمپيادا ويىندارىنىڭ قولا جۇلدەسى وزبەك بالۋانىنا بۇيىردى. موڭعوليا قۇراماسى ريو وليمپياداسىنان ءبىر كۇمىس پەن ءبىر قولا ەنشىلەدى.

Stan.kz