ت. قۇلىبايەۆ دانيار ەلەۋسىنوۆتى اسا قۇندى جەڭىسىمەن قۇتتىقتادى

استانا. قازاقپارات - ق ر ۇلتتىق وليمپيادا كوميتەتى جانە قازاقستان بوكس فەدەراتسياسىنىڭ پرەزيدەنتى تيمۋر قۇلىبايەۆ برازيلياداعى وليمپيادا ويىندارىنىڭ جەڭىمپازى، تالانتتى بوكسشى دانيار ەلەۋسىنوۆتى التىن مەدالىمەن قۇتتىقتادى.

«قۇرمەتتى دانيار! قازاقستان رەسپۋبليكاسى وليمپيادا كوميتەتىنىڭ، قازاقستان بوكس فەدەراتسياسىنىڭ اتىنان جانە جەكە ءوز اتىمنان ريو- دە- جانەيرودا ءوتىپ جاتقان ХХХІ جازعى وليمپيادا ويىندارىنداعى جەڭىسىڭىزبەن قۇتتىقتايمىن! وليمپيادا ويىندارىنداعى تاماشا ونەرىڭىز ارقىلى قازاقستاندىق جانكۇيەرلەرگە جارقىن كوڭىل- كۇي سىيلادىڭىز. بوكستان اقتىق ايقاستا ءسىز سەنىمدى تۇردە كۇمانسىز جەڭىسكە قول جەتكىزىپ، شىن مانىندە وليمپيادا چەمپيونى دەگەن اتاققا يە بولدىڭىز. بۇل ناگرادا - كۇن سايىنعى توگىلگەن تەردىڭ، شىنايى شەبەرلىكتىڭ جانە حاس تالانتتىڭ ناتيجەسى. بۇل جەڭىس اسا قۇندى، ويتكەنى، وعان كۇشتى قارسىلاستى جەڭۋ ارقىلى قول جەتكىزىلدى»، - دەلىنگەن قۇتتىقتاۋ حاتىندا.

سونىمەن قاتار، ۇ و ك پرەزيدەنتى قازاقستاندىق بوكسشىنى قۇتتىقتاي كەلە، وعان جاڭا تابىستار مەن جەڭىستەر تىلەدى.

اۆتور: قانات مامەتقازى ۇلى