قازاقستاننىڭ يادرولىق قارۋعا قارسى كۇرەسى الەم تاراپىنان لايىقتى باعاسىن الدى - ق. باقتىبەكوۆ
نيۋ- يوركتە ب ۇ ۇ باس اسسامبلەياسىندا وتكەن داۋىس بەرۋدىڭ ناتيجەسىندە داۋىس بەرۋگە قاتىسقانداردىڭ اراسىنان 138 مەملەكەت قازاقستاننىڭ كانديداتۋراسىن قولدادى.
«عارىشتىق زەرتتەۋ جانە تەحنولوگيا ۇلتتىق ورتالىعى» ا ق اقپارات جانە ءبىلىم بەرۋدى قامتاماسىز ەتۋ ءبولىمىنىڭ باسشىسى، فيزيكا- ماتەماتيكا عىلىمدارىنىڭ دوكتورى قازبەك باقتىبەكوۆتىڭ پىكىرىنشە، قازاقستاننىڭ يادرولىق قارۋعا قارسى كۇرەسى الەم تاراپىنان وسىلايشا لايىقتى باعاسىن الىپ وتىر.
«جالپى، قازاقستان وتە «شىدامدى» مەملەكەت. ءوزىنىڭ يادرولىق قارۋى جوق قازاقستان سول يادرولىق قارۋدىڭ زاردابىن كوردى. سوندىقتان بولار، العاش بولىپ يادرولىق قارۋدان باس تارتىپ، ونى بەيبىت ماقساتتا عانا پايدالانۋ قاجەت دەپ سانادى. يادرولىق قارۋ - قاۋىپسىزدىككە تونەر ەڭ باستى ءقاۋىپ. سوندىقتان، قازاقستاننىڭ يادرولىق قارۋعا قارسى كۇرەسى الەم تاراپىنان وزىنە لايىقتى باعاسىن الىپ، ەلىمىز بۇۇ قاۋىپسىزدىك كەڭەسىنىڭ 2017-2018 -جىلدارعى تۇراقتى ەمەس مۇشەسى بولىپ سايلاندى دەپ ويلايمىن» ، - دەيدى ق. باقتىبەكوۆ.
ەستەرىڭىزگە سالا كەتەيىك، بەدەلدى ۇيىمنىڭ قۇرىلىمىنا مۇشە بولۋ ءۇشىن كەمىندە 193 مەملەكەتتىڭ 129-ىنىڭ سەنىمىن الۋ كەرەك بولاتىن. جوعارىدا ايتقانىمىزداي، قازاقستان 193 داۋىستىڭ 138-ىنە يە بولدى.
