08:56, 16 - تامىز 2016 | GMT +5
مەكسيكادا قارۋلى توپ قىمبات مەيرامحانا مەيماندارىن ۇرلاپ كەتتى
استانا. قازاقپارات - مەكسيكانىڭ پۋەرتو- ۆاليارتا قالاسىندا ءبىر توپ قارۋلى ادام قىمبات مەيرامحانانىڭ مەيماندارىن ۇرلاپ كەتتى، دەپ حابارلادى بي-بي-سي اگەنتتىگى.

وقيعا قالانىڭ تۋريستىك اۋدانىندا كۇندىزگى 1 شاماسىندا بولعان.
كۋاگەرلەردىڭ ايتۋىنشا، قارۋلانعان ەر ادامدار ەكى جول تالعامايتىن كولىكپەن كەلىپ، مەيرامحاناداعى ادامدارعا كولىككە وتىرۋدى بۇيىرعان.
سودان كەيىن بارلىعىن الىپ كەتكەن. پيعىلدارىن جۇزەگە اسىرۋ كەزىندە ولار بىردە ءبىر وق اتپاعان. حاليسكو شتاتى پوليتسياسى وقيعاعا قاتىستى تەرگەۋ امالدارىن باستادى. ۇرلانعان ادام سانى ناقتى ەمەس، كەيبىر دەرەككوزدەرى 16 ادام ەكەنىن ايتادى.
قازىر پوليتسيا قىلمىسكەرلەردەن قاشىپ ۇلگەرگەن 4 ايەلدى ىزدەۋگە كىرىسكەن.