المات كەبىسپايەۆ وليمپيادا ويىندارىن جۇلدەسىز اياقتادى

ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا گرەك- ريم كۇرەسىنەن سىنعا ءتۇسىپ جاتقان بالۋانىمىز المات كەبىسپايەۆ وليمپيادا ويىندارىن جۇلدەسىز اياقتادى،
None
None

 دەپ حابارلايدى ريوداعى قازاقپارات ءتىلشىسى.

ول جۇبانىش بەلدەسۋىندە ءبىرىنشى التى دۇركىن الەم چەمپيونىن، ءبىر دۇركىن وليمپيادا چەمپيونىن ۇتىپ، مەدالعا جاقىنداي تۇسكەن بولاتىن. وكىنىشكە قاراي قولا مەدال ءۇشىن سوڭعى شەشۋشى سىندا نورۆەگيالىق بالۋاننان ۇتىلىپ قالدى. وسىلايشا ول ريو وليمپياداسىن جۇلدەسىز اياقتادى.

ايتا كەتەيىك، المات كەبىسبايەۆ العاشقى ىرىكتەۋ سىندارىندا ءبىرىنشى گرۋزيا بالۋانى زۋراب داتۋناشۆيليدى 2:0 ەسەبىمەن جەڭگەن بولاتىن.

 الايدا ەكىنشى بەلدەسۋىندە، ياعني 1/8 فينال بويىنشا سايىستا ول جاپون بالۋانى شينوبۋ وتادان 6:0 ەسەبىمەن جەڭىلىپ قالعان بولاتىن.

بۇل سايىستا جاپونيالىق بالۋان شينوبۋ وتا فينالعا شىعىپ، ناتيجەسىندە ودان جەڭىلگەندەردىڭ جۇبانىش بەلدەسۋىنە مۇمكىندىك العان ەدى.

ال بۇگىن تاعى ءبىر گرەك- ريم كۇرەسىنەن 75 كەلى سالماقتا سىنعا تۇسكەن دوسجان قارتىكوۆ تا شيرەك فينالدان وتە الماي جارىس جولىن مەدالسىز اياقتاعان ەدى.

ەستەرىڭىزگە سالا كەتەيىك. قازاقستان ريو- دە- جانەيرو قالاسىندا ءوتىپ جاتقان وليمپيادا ويىندارىندا جالپى ەسەپتە 2 التىن، 2 كۇمىس، 3 قولا مەدالمەن 16-ورىندا كەلەدى.

اۆتور: كۇنسۇلتان وتارباي

سوڭعى جاڭالىقتار