11:41, 14 - تامىز 2016 | GMT +6
استانادا قاراقشىلىق شابۋىل جاساعان ادام لومباردتا قامالىپ قالدى
استانا. قازاقپارات - استانادا كەنەسارى كوشەسى بويىنداعى ادامدارعا جالعا اقشا بەرەتىن لومباردقا قاراقشىلىق شابۋىل جاسالدى.
استانا قالاسى ىشكى ىستەر دەپارتامەنتى باسپا ءسوز قىزمەتىنىڭ مالىمەتىنشە، بەلگىسىز بىرەۋ "م- لومباردقا" باسا- كوكتەي كىرگەننەن كەيىن عيماراتتىڭ دابىلى قاعىلىپ، ەسىكتەر اۆتوماتتى تۇردە قۇلىپتالىپ قالعان.
قازىر كەزدە لومباردقا قاراي جولداردى پوليتسيا قىزمەتكەرلەرى جاۋىپ تاستادى. وقيعا ورنىندا جەدەل ارەكەت ەتۋ توبى جۇمىس جاساۋدا.
قاراقشىلىق شابۋىل تۋرالى اقپارات تاڭعى ساعات 9 كەزىندە كەلىپ تۇسكەن ەكەن. سونىمەن قاتار شابۋىل جاساعان ادامنىڭ قولىندا قارۋىنىڭ بار نەمەسە جوقتىعى ازىرگە بەلگىسىز.
الدىن الا اقپارات بويىنشا عيماراتتا قىلمىستىق ارەكەتكە بارعان اداممەن بىرگە لومباردتىڭ ەكى قىزمەتكەرى قامالىپ قالدى.
اۆتور: رۋسلان عابباسوۆ
