جاپوندىقتارعا بيىك قوناقۇيلەر سالۋعا رۇقسات بەرىلدى

استانا. قازاقپارات - جاپونيا ۇكىمەتى شاعىن اۋداندا بيىك قوناقۇيلەر سالۋعا شەكتەۋدى الىپ تاستاۋدى ۇيعاردى، دەپ حابارلادى ت ا س س.
None
None

جاپون زاڭدارى بويىنشا قوناقۇيدىڭ بارىنشا بيىك بولۋى ونىڭ ىرگەتاسىنىڭ اۋدانىنا بايلانىستى، سونىڭ ناتيجەسىندە بيزنەس- كلاستاعى قىمبات ەمەس قوناق ۇيلەردەگى نومىرلەردىڭ اۋدانى 18-20 شارشى مەتردەن اسپايدى، ادەتتە ولار 12 قاباتتان بيىك ەمەس.

ەندى مۇنداي قوناقۇيلەردىڭ قاباتى 20-عا دەيىن بيىكتەۋى مۇمكىن - بۇل كوبىرەك تۋريستەر قابىلداۋعا جانە نومىرلەر باعاسىن ارزانداتۋعا مۇمكىندىك بەرەدى.

قوناقۇيلەر وپەراتورلارى قۇرىلىس جوسپارىن جەرگىلىكتى وكىمەت ورىندارىمەن كەلىسۋى ءتيىس، ەگەر ولار تىم بيىك قۇرىلىستار قالا كەلبەتىنە نۇقسان كەلتىرەتىنىن نەمەسە جولداردا ۇلكەن كەپتەلىستەر تۋدىراتىنىن دالەلدەي السا، مۇنداي بيىك عيماراتتار سالۋعا تىيىم سالا الادى.

 جاپون ۇكىمەتى تۋريزمگە باسا كوڭىل بولۋدە، ونى ەكونوميكالىق ءوسىم ءۇشىن ىنتالاندىرۋ رەتىندە قاراستىرادى، الايدا قازىردىڭ وزىندە توكيودا جانە ەلدىڭ باسقا دا ءىرى قالالارىندا قوناقۇيلەر نومىرلەرى جەتىسپەيتىنى سەزىلۋدە.

سوڭعى جاڭالىقتار