دانيار ەلەۋسىنوۆ قارسىلاسىن تازا جەڭىسپەن ۇتتى

ريو- دە- جانەيرو. قازاقپارات - بۇگىن ريو- دە- جانەيرو قالاسىندا ءوتىپ جاتقان جازعى وليمپيادا ويىندارىندا بوكستان 69 كەلىگە دەيىن سالماقتا ونەر كورسەتكەن دانيار ەلەۋسىنوۆ ۇلى بريتانيالىق قارسىلاسى دجوش كەلليدى اسا باسىمدىقپەن ۇتىپ، كەلەسى كەزەڭگە جولداما الدى.
None
None

بۇل تۋرالى ريوداعى قازاقپارات ءتىلشىسى حابارلايدى.

دانيار العاشقى راۋندتان- اق تىزگىندى ءوز قولىنا الدى. قارسىلاسىن قۋىپ تا، تۇرىپ تا سابادى. ەكىنشى راۋندىدا ۇلى بريتانيالىق بوكسشى دانياردى قايتا- قايتا قۇشاقتاي بەردى. تورەشى ءبىر ەمەس، بىرنەشە رەت ەسكەرتۋ دە جاسادى. ءۇشىنشى راۋندىدا دا قازاق بوكسشىسىنان ۇتىلىپ جاتقانىن بىلگەن كەللي وزىنە سوققى دارىتپاۋعا تىرىسىپ كوردى. الايدا، قازاقتىڭ جۋان جۇدىرىعى مۇرىنىن بۇزباسا دا، ەسەڭگىرەتىپ تاستادى. گونگ سوعىلىپ، تورەشى توقتا دەگەندە قۋانعانى بەلگىسىز، قازاقتىڭ قايسار ۇلىنا تاڭعالعانى بەلگىسىز ارتىنا بۇرىلىپ، ءوزى رينگكە كوتەرىلگەن بۇرىشىنا بەتتەپ بارا جاتقان دانياردىڭ ارتىنان ۇزاق قارادى.

وسىلايشا، تورەشىلەردىڭ شەشىمىمەن جەرلەسىمىز العاشقى جەكپە- جەگىن جەڭىسپەن باستادى. ەسەپ 3:0.

ال وسىعان دەيىن شارشى الاڭعا شىققان قايرات ەراليەۆ (56 كەلى) قارسىلاسىن ايقىن باسىمدىقپەن ۇتسا، وكىنىشكە قاراي ابىلايحان ءجۇسىپوۆ (64 كەلى) ۇلى بريتانيالىق پەت ماككورماكتان ۇتىلىپ قالدى.

ەندى جارىس جولىندا 10 بوكسشىنىڭ جەتەۋى قالدى.

اۆتور: كۇنسۇلتان وتارباي

سوڭعى جاڭالىقتار