فرانسيادا تۋريزم سالاسى نەگە توقىراپ تۇر

استانا. قازاقپارات - فرانسيا استاناسىنا كەلەتىن تۋريستەر لەگى بيىل ەداۋىر كەمىپ كەتتى. وتكەن جىلمەن سالىستىرعاندا شەتەلدىك دەمالۋشىلار قاتارى %10 عا تومەندەگەن.
None
None

بۇل -  پاريجدەگى ايماقتىق تۋريزم كەڭسەسىنىڭ رەسمي مالىمەتى. ادەتتە تامىز ايىندا پاريجدىكتەر قالانى تاستاپ، جانعا جايلى، قۇلاققا تىنىش جاققا كەتەدى. سەبەبى بۇل كەزەڭ -  فرانسۋز استاناسىنا تۋريستەر اعىلاتىن بەيمازا مەزگىل. الايدا بيىل شەتەلدىك كەلۋشىلەردىڭ قاراسى قالىڭ ەمەس.

ماۋسىمدا قوناق ۇيلەرگە سۇرانىس كولەمى %10 عا قىسقارسا، شىلدەدە ۇشاقتارعا بيلەت وتكەن جىلعا قاراعاندا %12 عا از ساتىلعان. بىلتىر بەرىسى پاريجدىڭ، ءارىسى الەمنىڭ ەڭ باستى كورنەكى ورىندارى لۋۆر مۋزەيى مەن ەيفەل مۇناراسىنا كىرۋ ءۇشىن كەپتەلگەن كەزەكتە ساعاتتاپ تۇرۋعا تۋرا كەلەتىن. ءبىراق قازىر ولاي ەمەس.

پەيمان، كانادادان كەلگەن تۋريست:

- نەگىزى نيسسادا بۇرىن بولعانبىز، پاريجگە كەشە سول جاقتان ۇشىپ كەلدىك. نيسسادا 2 كۇن بولىپ، ۋاقىتىمىزدى جاقسى وتكىزدىك. كۇماندى ويدان اۋلاق بولۋعا تىرىستىق. لاڭكەستىك ارەكەت بولعان جەرگە بارعاندا كوڭىلىمىز قۇلازىدى. ءبىراق ۇرەيگە بوي الدىرۋدان اۋلاقپىز. سەبەبى ءومىر جالعاسىپ جاتىر عوي.

جەن ي، قىتايدان كەلگەن تۋريست:

- قوعامدىق ورىنداردا ءوزىمدى قاۋىپسىز سەزىنەمىن. ءبىراق كەيبىر اۋماقتاردا، اسىرەسە ادام قاراسى سيرەك جەرلەردە قاۋىپتى بولاتىن سەكىلدى. بۇل مۇمكىن ءوزىمنىڭ ىشكى ۇرەيىمنەن شىعار.

فرانسيا ەكونوميكاسىنىڭ ماڭىزدى بولىگى -  تۋريزم سالاسى وتكەن جىلدىڭ قاراشاسىنان بەرى اقساي باستادى. ول كەزدە اتىشۋلى «يراك پەن لەۆانت لاڭكەستىك توبىنىڭ» جەندەتتەرى پاريجدە شابۋىل جاساپ، جۇزدەن استام ادامدى قىرىپ سالعان ەدى. ال بيىلعى شىلدەدە جۇك كولىگىمەن جۇيتكىگەن ەكسترەميست نيسسادا ءبىر توپ ءتۋريستى تاپتاپ، 85 كىسىنى جانشىپ ءولتىردى. سونداي-اق 2 اپتا بۇرىن 2 سودىر رۋان قالاشىعىندا شىركەۋگە شابۋىل جاساپ، 5 ادامدى كەپىلدىككە الىپ، كەيىن 84 جاستاعى ءدىني قىزمەتشىنى باقيلىق قىلعان.

وسىنداي لاڭكەستىك شابۋىلداردان سوڭ ا ق ش، ازيا مەن پارسى شىعاناعىنان اعىلاتىن قالتاسى قالىڭ قوناقتاردىڭ قاتارى سيرەدى. بۇدان وزگە، جاپوندىقتار سانى -  46، رەسەيلىكتەر

قاتارى %35 عا كەمىگەن. ال يتاليالىقتار مەن قىتايلاردىڭ %20 دان استامى فرانسياعا كەلۋدەن باس تارتقان.

توماس دەشام، تۋريستىك بيۋرونىڭ ستاتيستيكالىق زەرتتەۋلەر جونىندەگى مەنەدجەرى:

- كەلۋشىلەر قاتارىنىڭ سيرەۋىنە ەڭ الدىمەن لاڭكەستىك شابۋىلدار بولۋ ءقاۋپى باستى سەبەپ. قازىر تۋريزم سالاسىنان پايدا تاباتىن بارلىق ۇيىمدار -  قوناق ۇيلەر، مەيرامحانالار، مادەني ورىندار قىرۋار شىعىنعا باتىپ شىرىلداپ وتىر.

تۋريزم ماماندارى فرانسيادا بيىل كوبەيىپ كەتكەن ءتۇرلى نارازىلىق شارالارى مەن شەرۋلەردىڭ كەرى اسەر ەتىپ وتىرعانىن ايتادى. ەرەۋىلدەر كەزىندە تۋريستەردى، اسىرەسە ازيالىق ازاماتتاردى توناۋ ارەكەتى جيىلەپ كەتكەن.

www.24.kz

سوڭعى جاڭالىقتار